最近喺又一城Taste見到包雜豆， 裏面有五種豆、大麥同糙米， 買左包試下，發覺都幾好用， 因為可以用佢做出唔同嘅菜式， 例如雜豆湯/粥、豆飯糰、 雜豆蒸蛋、雜豆豆腐肉餅之類…… 今次就用佢黎整雜豆雞蓉飯比大家參考下， 除左事前預先浸下豆之外， 煮法簡單，撈飯好味，親子共食。     《幼兒撈飯系列：蛋花雜豆雞蓉飯》             使用雜豆前，先把豆用清水浸約12小時。   材料： 蛋液1/3 隻 雞柳一條 雜豆兩湯匙 粟粉一茶匙 上湯三至四湯匙（如適用）   做法： 先把雞柳切粒。     雜豆浸完12小時後， 放入滾水中煮10～15分鐘， 直至全部淋身。             上湯：用來吊味，豆本身會有豆香， 但唔會有太濃的味道，所以比較大的幼兒可加上湯同煮。 之前教過大家做定急凍雞湯放冰箱備用，   有需要可睇返： <BB加固的最佳調味料：自煮營養調味上湯&急凍儲存> https://huihuiplayground.blogspot.com/2017/12/bb.html   <自製香菇高湯～做出BB版茶漬飯! > https://huihuiplayground.blogspot.com/2018/07/bb.html   今次因為我剛煲左老火湯， 所以索性取一些來做上湯， 如果有煲肉湯，滾味湯都可以用。     粟粉一茶匙，與兩湯匙水混合。       鑊中放些少油，油滾熱後放入雞粒煮至八成熟， 然後放入雜豆混合炒一會。             加入上湯，再加入粟粉水。       滾起後再加入蛋液拌勻。     有需要可加些許鹽。     直至收汁至滿意程度即成。     淋在飯上，又是一款簡易幼兒碟頭飯。 下次Bella有芝士燒米餅食， 有興趣可留意我地Facebook更新。   ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss