今次介紹呢個場地，都係我好鍾意同埋常去嘅地方。   每次一諗起要帶住小朋友去BBQ都真係幾傷腦筋，因為燒一次嘢食至少都要幾個鐘頭先走。 而要小朋友停留喺一個地方，佢哋咪會好悶囉?     不過，大家唔需要擔心我今次介紹嘅場地係有齊玩樂、又有美食於一身嘅燒烤場地。 而重點就係，呢到入場後係不設時限，場內美食仲係任食，炭都係任拎，唔會限住用晒1-2包就要俾錢買。       除咗場內美食，仲可以自己買啲食物、海鮮入場。     食物種類嘅選擇都算多，蔬菜都有。     肉類嘅食物全部都係獨立包裝，衛生好多。       除咗自攜同場內美食，仲可以預訂炭燒乳豬($780/隻)添呀~       兒童遊樂設施 以燒烤場嚟講，我哋今次來到公園算係幾乾淨。 同埋呢組遊樂設施係新建嘅，因為對上一次嚟位置唔係放呢到，亦係比較殘舊。     公園有3組滑梯     呢到都足夠小朋友玩一段時間。               機動、電子遊戲區 呢到嘅遊戲可以港幣$1/$5進行，如果帶唔夠散銀佢哋仲有一部機可以唱$1。     而部份遊戲可到正門口處換遊戲代幣。$10=1代幣     小型賽車桌戲6代幣一次   仲有街機嘅賽車遊戲~~       充氣大彈床 充氣大彈床總共有３組咁多，不過留意大人係唔可以進入彈床入面。如果小朋友太細嘅話，就要考慮一下是否適合進入遊玩。     因為家長係唔能夠貼身照顧住喺彈床入面玩嘅小朋友。       和牛B身後嘅滑梯超高、超刺激!! 所以和牛B都未夠膽上去挑戰 。     另有一組適合幼兒嘅短滑梯。   逢星期六、日及公眾假期開放，小朋友入場收費為$120/位，可以由下午4時玩到10時。     呢到放電空間充足，小朋友都有地方走動同玩。我哋由朝玩到晚，仲鍾意嚟呢到玩到，阻咗一個星期又嚟一次。         收費： 星期一至五：成人$110/位; 小童/長者$90/位 星期六、日及公眾假期：成人$140/位; 小童/長者$110/位 開爐費$50     *小童: 1.3米或以下 ， 幼童:90cm以下免費 長者: 65歲或以上(持長者咭)   前往方法： - 揸車嘅話，燒烤場提供免費泊車 - 乘車： <小巴> 富泰燒烤樂園 ←→荃灣(千色店)門口  富泰燒烤樂園 ←→佐敦(白嘉士街)翠華餐廳門口  富泰燒烤樂園 ←→旺角(新填地街)朗豪坊後面  **如有改動以有關運輸公司/司機為準   <巴士> 搭巴士到「屯門公路-小欖轉乘站」轉67M、67X 直達到 "富泰邨"  其他巴士線 53, 261, 261P, A33,67M, 67X  專線小巴: 46, 44A    <西鐵> 於兆康站(A出口) → 免費轉乘 K51接駁巴士 ( 富泰商場落車 ) 或從兆康站(F出口)步行約 20分鐘到本場。   【屯門富泰燒烤樂園】 地址：新界屯門虎地下村50號 電話：2469 8000 / 2469 8708 http://www.yl.hk/ftbbq/ -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。