有幾忙呀⋯⋯ 你都吾識分配時間既....... 都吾知你忙咩⋯⋯ 又話攰，又吾早d休息..... 冇返工有幾辛苦呀...... 聽倒呢d説話，真係人都癲，希望d三姑六婆可以收下口啦 全職媽媽同在職既媽媽一樣都係要工作架，只不過地點在屋企⋯⋯而我每日既開工時間由7點開始 7:00 BB起身飲奶（最晏訓到8:00）        媽媽開始準備營養午餐（洗菜、切肉、煲粥） 7:30 開始陪玩、玩下波波、讀下書仔、唱下歌 9:00 暗BB訓（明明眼訓都要係床玩一輪）         繼續準備營養午餐、洗BB衫、食早餐 10:00 BB醒，食水果或小食，又陪玩 11:30 BB午餐 12:30 BB冲涼 13:00 又陪玩，偷時間媽媽快食午餐 14:30 BB飲奶          媽媽凖備營養晩餐，又再切切、洗洗 15:00 BB午睡（又係床玩一輪先訓） 15:30 洗大人衫、準備晚餐材料 17:00 BB醒，又陪玩 18:00 BB晚餐 18:30 開始煮大人晚餐（有時扭計，又陪玩下、抱下） 20:00 食晚餐 20:30 BB準備訓覺 21:00  BB終於都訓 吾好以為已經可以收工，仲要洗碗、洗奶樽、執玩具..etc 而且一日時間裏面，仲要不斷換片、換片、換片 就甘做左全職媽媽已經一年啦,每日既時間都過得好快，24小時真係吾夠用，雖然做既野日日一樣，好悶、好攰，但陪住自己小朋友長大，真係好開心.....,好幸運，璇璇BB真係一個好乖既小朋友（雖然有時扭計發癲） 無論全職媽媽定在職媽媽，佢地都係甘愛BB，都好需要家人既支持架! ⭐️⭐️ 歡迎聯絡參加產品試用和活動： Email：wan105@yahoo.com.hk