燒左一日，係強迫底下食左藥就訓～結果第二朝就退左燒喇～～個人有番點精神，但係做媽媽既梗係唔會鬆懈住～繼續煮點開胃餸俾裕喬喬食～～無錯，又係蕃茄，仲要係簡單到冇朋友既茄蕃炒蛋～～有汁又開胃，佐飯一流呀，仲要有豐富營養呀～～ 材料： 蕃茄 4個 雞蛋 3隻 蒜頭 1粒 糖 半茶匙 水 少少 做法： 1. 蕃茄洗淨????十字，浸熱水3分鐘，撈起去皮，切細粒待用 2. 雞蛋打發成蛋液；蒜頭切成蒜蓉 3. 開猛火燒紅隻鑊落油，等到個鑊出煙就收細火落蛋液，用鏟推下蛋液，見雞蛋熟就可鏟起 4. 隨即落蒜蓉爆香，跟住落埋蕃茄粒，加入少少水及糖煮成蓉，最後加番雞蛋煮多陣就上碟    P.S.: 1. 因為裕喬喬冇乜胃口，所以特登將蕃茄切碎切爛一點，等佢易d食到，正常既只要將蕃茄一開4就可以夾到蕃茄黎食 2. 加糖可以吊起蕃茄個味，真係唔想落既都可以，但會變得好淡 3. 想個蛋唔老，要燒紅隻鑊跟住快炒先得架！ 退左燒，沖埋個涼精神番好多喇～～   好彩有番胃口食野，不過淨係食蛋同佛手瓜，仲未肯食飯⋯⋯  我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/