即使私家做咗Panorama Test 但我都照做政府Oscar check + 度頸皮，double check搵陣啲   今次撞岩胡生放假，可以陪我去做檢查 循例都係喺G/F 繳費處登記 然後再上2/F 婦產科度高、磅重、驗尿、量血壓 一切正常就等見醫生   醫生講返前2日嘅抽血結果 話我除咗有缺鐵性貧血之外，其他一切正常，無特別 見完醫生出返去，等見另一個醫生度頸皮   度頸皮嗰時，胡生同我一齊入去 政府醫院照超聲波照得超清楚，仲可以Zoom大睇 而今次依個醫生講嘢真係細聲到一個點 除咗"正常"兩隻字之外，其他乜都聽唔到   見到BB個鼻勁高，似我，嗰刻即刻放心晒 因為政府照超聲波無相攞返，胡生就偷影咗阿B張相 臨走前，落1/F 攞籌抽埋血就走得 等2-4星期無收到電話即代表BB無問題 政府醫院產檢暫時告一段落