整個6月，個個星期都去做產檢 公家私家兩邊走 當日獨自到醫院檢查，先喺G/F 繳費處登記 再到2/F 婦產科度高、磅重、量血壓 等咗陣入得去見助產士，主要問返個人資料、家族病史、懷孕資料等 然後落1/F 攞籌抽血，姑娘幫我抽血嘅時候，抽抽下我突然見暈 天旋地轉、睇嘢有星星，姑娘即刻大叫，搵幫手   喺其他姑娘推張床過嚟嘅時候 同時間幫我抽血嘅姑娘已經抽完筒血 兼貼好膠布 然後其他姑娘扶我上床休息 幫我再量血壓、拮手指驗血糖 仲比咗暖水、梳打餅、蘋果汁我 臥床休息咗20分鐘左右，無事先上返2/F搵助產士攞假紙 約埋兩日後Oscar check同度頸皮就走得 懷孕初期，身體狀況超唔穩定 幸好由醫院返屋企只需10分鐘車程，可以好快返到屋企休息