孕期踏入20 weeks，第一次感受到胎動 講真，感覺其實有啲奇怪 有時肚皮跳動及滾動，有時好似有條魚仔喺肚裏游水   第一次胎動，並唔習慣，全晚瞓得好差 不停瞓下醒下，瞓下醒下，全晚處於半睡半醒狀態 第二朝攰到無精神返工而請假   自第一次胎動後，阿囡就時不時喺咁郁 當我坐底或平瞓感覺最明顯 我由初初瞓唔到覺，到依家已經習慣成自然 另外，聽同事講原來食朱古力會令BB胎動得更厲害 因為朱古力有一種「苯乙胺」嘅物質，令人有開心嘅感覺 孕媽媽食咗，亦會令肚裏嘅BB開心同興奮   有一次，同事產檢前食咗朱古力 BB不停郁，攪到醫生照超聲波嗰時照唔到 而我第一次感受到胎動，就係食咗朱古力消化餅 令BB全晚超活躍，攪到瞓唔到 不過朱古力始終都係高糖高脂食物，都係少吃為妙