懷孕初期已經喺聯合醫院book咗床位生BB 因為胡生係公務員，可以加少少錢upgrade到私家病房 而我一直都以為每間公立醫院都有私家病房 諗住生嘅時候同職員講upgrade到私家病房就ok   但有日同同事傾開，原來完全唔係咁 原來只有少數公家醫院有私家病房 而最近屋企，又最出名嘅就只有QE   普通病房 vs 私家病房 8個媽媽+8個BB vs 2個媽媽+2個BB 而且餐食、服務、設施都會好啲舒適啲 為咗生完可以休息得好少少，決定轉到QE生產   申請程序簡單、方便、快捷 只要fax身分證、懷孕證明、住址證明就ok 然後就有職員聯絡你   胡生幫我fax完，隔咗一陣就有職員聯絡我 因為我喺其他公立醫院仲有產檢約期 要先取消原本約期同床位，至可以幫我轉到QE   除咗生產，以後嘅產檢都會轉到QE做 第一次喺QE做嘅產檢係9月尾 頭嗰兩次嘅覆診紙，職員都會郵寄比我 所有約期、book床位都喺電話攪掂，超方便