胡生出trip兩星期，但喺佢出差嘅第一日 我就出事啦，當日我如常返工   返到公司，食完早餐 下腹突然好似經痛咁扯住痛 阿囡時不時喺我痛嘅位置郁，我心知無事嘅 而且其他孕媽媽同事都試過，知道係正常   開頭諗住痛一陣就無事 點知我由朝早9點幾一直痛，痛到夜晚10點幾 第二朝瞓醒雖然已經無再痛，但都係去醫院check check穩陣啲   因為已經轉咗QE做產檢，我選擇去返QE檢查 食完早餐，獨自出發，出門前，亦執定日用品 做定留院嘅心理準備   去到QE急症，分流區姑娘問症後 好快就轉咗我到急症室嘅婦產科 等咗20分鐘左右，醫生嚟到 問症後再照超聲波，BB無異樣 心跳、胎水、胎盆位置一切正常   至於腹痛，係因為BB喺子宮不斷長大 肌肉擴張、收縮，令到下腹疼痛 除咗休息同食止痛藥外，都無其他嘢可以做到   當然忍得到，我都盡量唔食藥 而醫生亦開咗幾日病假比我休息 睇完返得屋企，唔洗留院   當日12點左右到急症室，1點左右睇完走得，超快 另外，QE嘅醫生、姑娘都好好 好細心、同有耐性地解釋，激讚