大家都知道黑芝麻含鈣量好高（每100克黑芝麻中鈣含量約為564毫克） 唯b同懷孕中嘅我都要補鈣，用黑芝麻整過唔同嘅食物：黑芝麻蛋糕、饅頭等等， 今次整咗黑芝麻梳乎厘pancake同佢一齊食。 其實梳乎厘pancake同蛋糕製法大同小異，唔使用到泡打粉都一樣好軟熟，入口即溶，好好味!   材料： 雞蛋 兩隻 奶 40克(我用豆奶) 低筋麵粉 40克 黑芝麻粉 10克 糖 5克（只係大人食可加多10克糖） 檸檬汁 數滴   做法： 1. 分開蛋黃、蛋白 2. 打發蛋黃後，加入奶拌勻 3. 篩入低筋麵粉拌勻 4. 再篩入黑芝麻粉拌勻 5. 用電動打蛋器以低速打發蛋白至起泡 6. 加一半糖及檸檬汁入蛋白，以中至高速打發蛋白，約一分鐘後加入剩餘的糖，再打發至挺身（反轉也不會倒下），便轉至低速慢慢打勻蛋白（約20秒） 7.  把蛋白分兩次倒入蛋黃麵粉糊，拌勻至光滑的pancake糊 8. 平底鑊燒熱後，加少少油掃勻，先潷一湯匙pancake糊落鑊，以細火加鑊蓋煎約45秒，再加多一湯匙，同樣加鑊蓋煎約45秒，翻轉再加蓋煎約一至兩分鐘就完成 如有興趣看更多育兒和BLW的分享，歡迎按此到我們的Facebook Page：）