早前因為小JM病咗，食西藥又去唔到痰， 所以就整咗紫花果百合淮山梨乾燉川貝母俾小JM補氣管止咳化痰。 飲咗幾次明顯無再半夜咳醒，但見小JM仲有痰未清得晒， 所以就煲咗另一個簡單素湯幫助去痰。   食材小簡介： 栗子　　－　可補腰腎，但不宜多吃，尤其係小朋友 合掌瓜　－　具有理氣舒肝、止咳化痰、健脾開胃功效 紫花果　－　含豐富花青素，有抗氧化、保䕶眼睛功效， 　　　　　　而且含有豐富纖維，有助促進腸道蠕動，減少便秘   材料： 紫花果 紅蘿蔔 合掌瓜 粟米 栗子 南北杏   做法： 1.) 將粟米去衣，再分成小件，備用。 2.) 合掌瓜清洗後切開，去核。再分成小件，備用。 3.) 紅蘿蔔清洗後分成小件，備用 4.) 紫花果及南北杏用清水稍為清洗或略浸。 5.) 栗子可以先用熱水浸一會，以方便去衣及外殼。 　 去殼後可以水略浸，以免發黑。 6.) 分別將合掌瓜、紅蘿蔔及栗米置於燉盅底層。 7.) 加入已去殼嘅栗子、紫花果及南北杏，再注入水份至八分滿。 8.) 最後將湯燉3小時即成。   燉湯會比較清甜，無需額外添加蜜棗亦可。 紫花果用以取代蜜棗，燉湯更為滋潤。   小朋友亦可以連湯渣進食，效果更好。 多食蔬果亦對腸道有幫助。