踏入6個月開始吽牙仔 西瓜妹正式打開第二個胃~加固啦 因為望住表哥食粥粥 西瓜妹扭計流唒口水(格離飯香),而且餵左1個月糊仔 決定試下粥仔~頭3日南瓜粥 都好成功！之後試下加蛋黃 點知出事！！！ 佢只係食左5-6啖 之後開始抓頸一睇 紅唒！全身都係連埋patpat..好似蚊咬咁！之後立即比水佢飲沖淡 留意左1小時無異常 終於散唒。(如果敏感嚴重係有機會致命,所以一有呼吸困難/異樣 立即就醫！) 關於粥仔 我見到有媽媽話將肉碎放落去粥到比6個月大岩岩加固既bb食 等bb快d肥,其實8個月前唔好咁快加肉碎 好容易哽親同胃未消化到！到8個月加肉 建議成舊/切片放入去吊味~咁樣已經好夠！ - 同埋粥仔點樣煮會綿d~其實有幾個小方法 1.放適量清水浸泡半小時 2.加少少油,油可以令米煮既時候吸收熱水,更容易令米煮開花 3.洗完米隔水後放冰格,雪到硬身 就放入已滾既水煮 - 以下係6個月-7.5個月可以食既粥仔/糊仔(感謝媽媽gp share 先知有好多野可以整比bb) 節瓜米糊~莧菜米糊~菜芯米糊~節瓜菜芯米糊~薯仔莧菜米糊~菠菜蕃薯米糊~薯仔小棠菜米糊~薯仔白菜米糊~莧菜節瓜米糊~甘荀菜芯米糊~潺菜薯仔米糊 蛋黃1/3(壓碎)+節瓜粥~蕃薯潺菜粥~小棠菜南瓜粥~蛋黃冬瓜菜芯粥~蕃薯白菜粥~蕃薯小棠菜冬瓜粥~節瓜菜芯粥(粟米掉味) ~薯仔紅蘿蔔莧菜粥~蛋黃冬瓜蓉菜芯粥(冬瓜連皮凍水同米一起煲) ~蕃薯白菜粥(粟米掉味)~蛋黃節瓜紅蘿蔔津白葉粥 - 以下係7.5月-8.5月可以食既粥仔 冬瓜菜芯薯仔粥(粟米瘦肉掉味)~小棠菜南瓜粥(粟米瘦肉掉味)~薯仔節瓜津白菜葉粥（瘦肉掉味) ~蛋黃冬瓜莧菜粥(玉米掉味) ~蕃薯白菜粥（瘦肉掉味)~節瓜紅蘿蔔玉米瘦肉湯, 用湯湯煲粥+菜心~冬瓜薯仔菠菜容粥(一塊西施骨掉味)~潺菜瘦肉湯煲粥~南瓜白菜葉容粥(玉米掉味）~蛋黃節瓜莧菜粥~玉米容薯仔菠菜粥~冬瓜菜芯粥(瘦肉掉味)~蕃薯小唐菜粥(瘦肉掉味)粟米蓉薯仔白菜粥（瘦肉掉味） - 西瓜妹有facebook啦:https://www.facebook.com/LHT.WORLD/