生仔篇: 公立定私家?           其實當知道有左既時候, 我已經決定左一定要係私家生.   因為有左已經好辛苦, 我想對自己好一點.           決定係私家生既時候最好要注意:   1. 經濟能力     如果為左私家生要節衣縮食我就唔建議! 因為我相信私家定公立醫生都一樣安全, 自己都係公立出世, 只係私家環境舒服D.   何為有能力? 老實說, 我跟老公也不是來自有錢家族, 但兩口子唔好名牌唔養車, 搵既錢足夠我地一年去幾次旅行.有左後去少左旅行咪羅黎生仔羅!!   同埋我係及時行樂派, 邊個知聽日我出街會唔會有意外, 儲咁多錢有咩用! 對自己好D好過           2. 老公認同     我老公確實問過我你想用十萬搭次Business Class去旅行定私家生仔, 我話我要私家!   佢又問過我你想用十萬買架新車定私家生仔, 我都係揀私家!!   後來有一次我病要入公立醫院過夜加埋佢陪我參觀過私家醫院後, 佢就好支持我去私家啦!!haha   公立醫院個次一晚同第二朝共有3個醫生睇過我, 但每個人只係重覆問我病情, 根本無人答過我/話我知咩事…..但我眼見佢地確實好忙邊有時間理我           3. 有Over Budget既心理準備   千奇唔好計太盡, BB要照燈留多幾日院可能已經要預多成萬蚊.   我手術當日醫生問我割唔割埋子宮癅, 割埋2粒咁又多左成萬蚊           4.私 家同公立兩邊一齊產檢   其實32周之前都唔會有私家醫院收你, 所以如果早產我都一早計劃返公立生, 因為始終早產BB同媽媽都可能要做手術, 天價手術費我就負責不起了   所以一起到36周前我都好乖咁返足私家同公立兩邊既產檢. 但千奇唔好太早同公立講去私家生, 因為我覺得我講完D姑娘就唔係好理我, 咩都叫我問返私家醫生         最終我出醫係用左十萬左右住荃灣港安三人房(但免費upgrade去二人房), 我絕對無後悔係私家生! 老公仲話早知揀二入房免費upgrade去單人房大家都舒服D 我開刀住左5日, 每日只係餵奶時間見下BB, 初初覺得見得咁少唔開心.   但返到屋企先知頭5日休息真係好重要! 出左院日日對住連訓都無得訓, 大家就好好珍惜5日的假期啦!   更多分享 Facebook: https://www.facebook.com/kaden.hk Instagram: https://www.instagram.com/kaden.hk   2019大阪櫻花之旅 出門旅行必備三寶 BB溫泉初體驗-大阪空庭溫泉 ［大阪親子遊-万博記念公園］ [大阪親子酒店推薦］   育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話!   玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]