《芝士椰汁淮山百合焗雞飯》 一向我都鐘意俾包包波波食多啲淮山百合，補養脾胃。今日焗咗芝士椰汁淮山百合焗雞飯，加簡單滾咗個蕃茄南瓜薯仔湯做午餐 椰汁我都係第一次整俾包包，唔知佢鐘唔鐘意，點知加埋芝士入焗爐焗後太香，食晒✌ 材料： 雞柳2條 甘荀1條 淮山1/5條 百合1個 洋蔥1/3個 椰汁100g 芝士碎滴量 鹽1/2茶匙 糖1/2茶匙 粟粉水適量 做法： 1）雞柳切粒，略醃1小時 2）甘筍及淮山切粒蒸淋 3）下油熱鑊，炒香洋蔥粒放入雞柳，再放百合 4） 最後放入已蒸好的甘荀粒及淮山粒，並加入椰汁 5）最後後落鹽糖及粟粉水煮成杰汁 6）將飯放焗盤上，淋上椰汁雞材料，舖上芝士碎，放入已預熱200度焗爐，焗5至10分鐘至金黃色即可 希望你地小朋友都鐘意食吖！