秋冬黎臨，咁啱有人送左d西西里檸檬俾我，咁就整下燉檸檬啦，送禮自用都得呀～～不過因為之前病病，擺到d檸檬樣衰衰，仲有d爛左發毛被掉左添⋯⋯冇計，幫裕喬喬養病同睇實佢梗要過任何事！！！ 材料： 檸檬 4個 冰糖 600克（根據檸檬重量去計） 陳皮 6塊（個人喜好）    做法： 1. 同檸檬磅重，用以計算糖既用量，如果檸檬重600克，我就會用番600克糖左右 2. 清洗檸檬，之後一定要抹到好乾身，唔要有一滴水 3. 將檸檬切頭切尾，切片切粒，仲要去核呀～切好就可以放哂落煲度    4. 跟住將冰糖舖面就可以拎去燉喇～今次就燉左12個鐘先    5. 將陳皮浸軟、抹乾水、刮囊同切絲，之後灑落燉左既檸檬上面，再燉多1-2個鐘就得架喇～最後攤凍入樽～～    P.S.:  1. 西西里檸檬係無蠟檸檬黎，如果用有蠟檸檬記得要先除蠟先好用呀，再唔係去馬莎買無蠟檸檬都好香架～切片越薄越好，食個時個口感好d～ 2. 冰糖份量好隨意，但一定要多過檸檬本身既重量呀～同埋最好搵原蔗冰糖，普通冰糖有加料架～（有d含二氧化硫架） 3. 有人鍾意一開始連埋果皮燉，我自己就鍾意最後個1-2個鐘先落，各人有各人做法呀，睇你自己喜好 4. 陳皮越陳同時間越耐效果越好～我呢d十零年貨仔，燉十零個鐘就好了～～如果大家手上有幾十年既陳皮，不妨燉耐d～ 食用方法： 用溫水按個人喜好甜度沖飲即可，同時把檸檬片和陳皮絲吃掉效果更佳 由於全天然關係，記得一定要放雪櫃，而且要三個月之內飲完呀！ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/