早幾日小b同媽媽講: 媽媽，買椰子煲湯俾我飲。 咁啱呢兩日轉涼，個人感到乾乾地，煲印度椰子配以鮮百合啱哂，潤肺止咳！ 印度椰子: 有助清燥熱、止咳、滋陰補腎、潤肺 百合: 清熱，止咳 材料: 1. 印度椰子 1個 2. 紅蘿蔔 1支 3. 鮮百合 2個 4. 豬展 $30 5. 水 3L   做法: 1) 豬展汆水；椰子切為條狀；紅蘿蔔去皮切件備用; 鮮百合洗淨，備用。 2) 鍋內注入水，除鮮百合外，將所有材料加入，大火滾10分鐘，轉細火煲2小時，最後15分鐘加入鮮百合，之後加入適量鹽調味，飲得。