生完bb之後乜都要快。雖然有幸請到年輕心地好既工人姐姐，不過姐姐煮飯確系別有一番風味。所以特此記錄了一些超簡易快速又惹味既食譜，得閒時自己下廚又得，俾姐姐搖身變大廚又得。今次先介紹本人至愛既薯仔炆雞脾（文末提供英文版本連結）。 你會見到d醃料勁簡單! 因為系選用了以下牌子磨豉，真系豬豬都識用！如果選用雞翼要記得出水。 薯仔炆雞脾食譜 2-3 人份量 材料 雞脾   （斬件） 3隻 薯仔  （切塊）   2個 薑片                    2塊 洋蔥 （切塊）   1個 廖孖記磨豉        1湯匙 水                        1碗 醃料 糖                      1茶匙 鹽                      1茶匙 粟粉                  1茶匙 麻油                  少許 做法 1. 雞脾瀝乾水分，用醃料拌勻，醃約15分鐘。 2. 熱鑊下油，先煎香薯仔及洋蔥至金黃色，盛起備用。 3. 熱鑊下油，起大火加入薑，將雞肉加入廖孖記磨豉煎至金黃。然後加入薯仔及水1碗。 4.  待煮滾後轉細火煮約20分鐘，拌入生粉水埋芡，煮至汁濃試味後即成。 英文版本連結 (Braised Chicken with Potatoes) Facebook Page: Man Man Diary Blog: www.manmandiary.com 歡迎邀稿/出席活動：diarymanman@gmail.com 駐站Blogger : Esdlife 靚太club 、24parent/Oh!爸媽、Mamibuy媽咪幫 、PressLogic 親子日常 、親子集合、She.com