早2日十下十下學人煲蜜瓜湯，以為好潤啦，點知一飲就知中招⋯⋯唔受得，即刻喉嚨痕同咳，反而老公同裕喬喬又冇事⋯⋯正所謂年紀大、身體壞⋯⋯惟有飲番個止咳潤肺湯補救一下啦，飲完即刻舒服咋～堅！！又甜又潤架！ 材料： 黑毛豬肉眼 1舊 （約$40） 印度椰子 1個 佛手瓜 1個 粟米連鬚 1條 南杏 1手掌份量 紫無花果 2粒 婆婆自家曬老陳皮 1塊    做法： 1. 陳皮浸軟後刮囊待用；南杏沖洗一下再浸約十分鐘 2. 豬肉洗淨出水待用 3. 印度椰子洗淨切條；佛手瓜洗淨去皮去核切開一舊舊；粟米洗淨1開2 （力的表現，切都廢事）粟米鬚只留金黃色部分，啡啡的剪走佢，放藥材袋 4. 將所有材料放入煲，加6碗水煲1.5-2小時飲得       P.S.:  1. 印度椰子好乾身，有濃濃的椰子味架～今日個姨姨切左個唔靚既俾我，一嗅冇乜椰子味同醜醜的，記得唔好要呀！ 2. 粟米鬚有利尿泄熱功效，有就加埋落去，用得既唔浪費～用藥材袋將住可避免佢地煲到散左，飲個時會破壞口感 又香又甜既湯水，裕喬喬梗鍾意啦～～      我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/