話說成日都想整肉餅，但成日都諗唔到用咩配料襯到而裕喬喬又可以食⋯⋯咸蛋唔得、梅菜都唔得、土魷又驚難消化、咸魚更加唔駛諗⋯⋯最後俾我上網碌到用冬菇同馬蹄蒸肉餅，咁又試下做個淡味版俾裕喬喬試下啦～～ 材料： 乾冬菇 6粒 馬蹄 6粒 半肥瘦碎肉 $40 （2大1小食好似太多） 調味： 糖 1/2 茶匙 （醃冬菇用） 油 少少 （醃冬菇用手） 生抽 1茶匙 老抽 1/2茶匙 糖 1/2 茶匙 粟粉 1茶匙 麻油 1茶匙 冬菇水 1湯匙 做法： 1. 冬菇沖洗一下浸軟後切粒粒，加入糖同油醃一陣待用    2. 馬蹄洗淨去皮切粒粒 3. 碎肉放大盤中，加入生抽、老抽、糖、粟粉同麻油攪拌好，最後再加入1湯匙冬菇水幫佢保濕；最後混入冬菇粒同馬蹄粒後平均放平係碟度，大火蒸15分鐘就搞掂    濕潤既肉餅用黎送飯最好架喇～      P.S.: 1. 馬蹄記得揀實實淨淨既先靚仔架 2. 攪拌豬肉個時，記得要順住一個方向，咁可以令塊肉餅唔會過硬，有肉感呀～～等水滾既時候順便當埋醃肉既時間，如果用蒸爐就可能要預番10分鐘醃肉時間喇 3. 如果食得再淡d可以再落少d生抽；老抽只係用黎整色整水，都可以唔落既  急不及待試新野～～  我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/