就黎新年，媽媽咪就襯呢個機會同旦旦一齊係屋企整下賀年食品，今次就整旦旦最愛嘅魚魚年糕喇，旦旦雖然得21個月，但都有幫到手一齊整，當然偶爾都會搞搞震，但都可接受範圍內，全程佢都玩得好開心，整完仲係咁叫魚魚，整左幾條可以用黎送下禮。     精靈鯉魚年糕食譜 材料:  細型蒸魚模2個  菜油-1-2匙  澄麵粉 100g 糯米粉230g 白砂糖 175g 水80ml 椰漿 450ml 橙色食用素  紅色食用素 篩子一個 大盆一個   1.預先將砂糖同水混合，隔水溶透，等佢凍返   2.將澄麵粉同糯米粉過篩落盆   3.加入椰漿，慢慢將佢地粉攪勻，直至沒有粉粒   4.可加入一、兩滴菜油（啲糕蒸出黎會滑啲，無咁易裂）   5.將凍返嘅糖漿加入粉漿 6.將粉漿再過篩一至兩次，隔走啲粉粒 7.用兩個碗仔各倒起少少粉漿，加入一至兩滴食用食素   8.係魚模上先掃上一層菜油   9.將有色既粉漿倒入魚尾同魚鰭位置，先用大火蒸3-5分鐘待定型（滾水落）   10.定型後，再將粉漿倒滿魚模，大火蒸25-30分鐘（注意：要不時加返水，唔好蒸乾水呀）   **最後用牙籤插入糕睇下痴唔痴粉，唔痴既係熟哂喇了 11.等佢凍左，擦少少菜油係手就可以脫模喇，凍哂易脫啲嫁   製作影片