嘩，桃家著哂和服個景仲咁靚嘅？唔通你地飛左去日本？ 睇真d原來係D.Park愉景新城離架喎！ 原來今年D·PARK愉景新城同Aqua Plaza合作，並得到日本駐香港總領事館及JETRO日本貿易振興機構全力支持，舉辦全港首個官方「D·PARK遊世界 日本新年祭」，打造佔地超過一萬呎嘅日本祭典及特色街道場景，提供不同「食玩買」地道體驗！ 成個日本新年祭分開左4部份，分別係商場嘅L1同L2，等桃媽逐個同你地介紹喇！ 但首先當然要著番套和服先有feel架嘛！ 全部日本和服均由日本空運到港，只需$180即可試穿30分鐘，而DP Club會員更可享有優惠價$160添。和服有男女裝成人及小童款式，一家大小、男女老幼都可體驗日式傳統造型服飾啦！ 和服穿著繁複，會有專人協助更衣，大家可以預先著打底衫去，免去尷尬情況  仲有木屐提供添呀！不過就一定要著襪啦，如果你係好講究嘅，可以俾錢買埋兩指傳統襪架！如果唔想哂錢可以著番對白色襪就更prefect啦！ 著到咁靚緊係要影相打卡啦！ L1中庭就參考日本神社的造型，設有拜殿造型置，旁邊放置傳統「門松」裝飾，即以竹子與松樹結合而成嘅藝術品，寓意新年之際召喚年神降臨。 重點打卡位模仿了日本京都名伏見稻荷大社嘅千本鳥居，在場地中央的參道擺放數十座鳥居，別有一番風味！ 除左本文第一張相嘅神社之外，仲有祈福架 仲有特製鳥居咭俾大家寫低新歲願望，之後掛上祈福架上面 仲可以進入日本和室坐係榻榻米上面感受日本傳統 最後一個房間以日本武士(Samurai)為主題，大家可試穿盔甲、武士刀等裝備拍照，體驗及感受武士道(Bushido) 的精神。 係日本無論咩節日或祭典，日本街頭都有大量經典遊戲攤位 最經典嘅莫過於撈金魚，但就唔係撈真金魚，只係玩具動物，但只少家長唔駛煩撈完點養，仲可以陪小朋友沖涼添！ 仲有傳統嘅木塞射槍遊戲，射跌邊件玩具就係你架啦！ 除左撈金魚，仲有撈珠珠同撈鴨仔 同場仲可以參加抽獎遊戲，有機會用低價就贏到標價較高嘅禮物！ 唔想靠運嘅都可以直接俾錢買架！ 要買「日本手信」俾親朋好友就一定要離市集啦，有過百日本品牌，售賣不同精品及食品，所有貨品均由日本運到，大家必定要「大量入手」。 現場售賣數千款日本零食、杯麵、汽水等，有耐性嘅你更有機會搜尋到日本最新限定口味零食 仲有大家都好鍾意嘅日本兒童牙膏牙刷！ 市集會分階段邀請過百個日本品牌到港，於場內擺設多個日式攤檔售賣自家設計的精品，千奇唔好錯過啦！ 玩樂過後緊係要補充體力，「D·PARK遊世界 日本新年祭」特意準備了佔地逾千呎的和風美食區，並召集日本專業廚師，設置近二十個攤位售賣傳統小食。 食物即叫即整，熱辣好味！ 必試超新鮮日本宮城縣石卷市「桃浦蠔」，另亦有清酒、壽司、炸雞、章魚燒、烏冬、咖哩麵包等等食物。而日本新年祭典傳統美食，如鯛魚燒(Taiyaki)及大阪燒(Okonomiyaki)更加不能錯過！ 個炒麵更加係桃家心水推薦，每條麵都沾滿醬汁，而且相當足料，連阿桃都食唔停口呀！   ????【D·PARK遊世界 日本新年祭】 地點：D·PARK愉景新城 日期：即日起至2月17日舉行   ???? 【和服體驗詳情】 地點：D·PARK愉景新城L1層 費用 ：$180/一套 (30分鐘)；$420/一套 (120分鐘) ＊另需付金$400/套 對象：3歲或以上/ 成人 小童：3-4歲 (85-100cm)；5-6歲 (100-115cm)；7-8歲 (115-125cm)     ????【日本手作工藝班詳情】 日期： 1月19, 20, 26, 27日 2月2, 3, 7, 8, 9, 10, 16, 17日 時間 ： 招財貓彩繪班 14:15 – 15:15 日式陶瓷碟彩繪班 13:00 – 14:00/ 16:45 – 17:45 日本開運「達摩」彩繪班 15:30 – 16:30 地點 ：D·PARK愉景新城第二層2043號舖 費用 ：$200 對象 ：3歲或以上/ 成人（8歲或以下可一位家長陪同） 報名方法：由即日起請到D·PARK愉景新城https://www.dpark.com.hk/tc/mi/programs/ 提前預約，額滿即止。     #DPARK #愉景新城 #日本新年祭 #遊世界 #和服體驗 #鳥居 #新年 #好去處