做咗人媽媽之後，可以放假嘅時間真係一隻手可以數得晒⋯好多時抑壓左好多情緒自己都唔知，今日放低小朋友，同朋友嚟咗呢度DK Cuppa Tea，放鬆心靈，享受幾小時嘅私人時間！ 黎到門口已經好靚！大家好似做返少女咁～帶上花環～可以影返啲靚相！ 仲可以扮天使架～ 店內充滿香薰香氣，一班媽媽可以放慢時間，享受聊天時間啦～ 今次主題係「幸福樂園」下午茶 ．Happy Paradise Afternoon Tea 令您感到幸福的下午茶～ 先享受一杯茶～薰衣草伯爵茶 藍綠色嘅有機棉花糖，熱茶嘅水蒸氣令棉花糖輕輕溶化，好似落雨咁，一絲絲落在茶裡，好夢幻～ 一口花茶，即時放鬆心情啊～ 幸福樂園．以黑松露為主題 餐前小食．經由急速乾燥技術保鮮的蔬菜同水果脆片，保留原本天然味道， 再配黑松露粉，原來可以好夾！將味道再提升到另一個層次～好好食！ ．濃香沙樂美腸及兩款芝士 沙樂美腸配上黑椒碎，帶點香辣又惹味！芝士好香濃！口裏面充滿芝士味！齒頰留香~再飲一杯茶，超級享受！ 嗰塊蝴蝶原來都食得㗎！係薄薄一塊威化餅，好得意呀！ ．煙燻三文魚帶子馬鈴薯配青口 青口好大隻新鮮～煙燻三文魚好鮮味！中間係半熟帶子好大粒好甜！最下面嗰塊係薯餅，粒粒薯仔好有口感！ ．黑松露牛肝菌湯 味道好濃郁嘅黑松露同牛肝菌，口感柔滑同creamy ，好味呀！ 仲有個櫻花匙羹，即刻少女心呀！ 最後來個一系列馴鹿甜點 一路聽住音樂盒嘅悅耳聲音～一路品嚐～呢一刻咩煩惱都唔記得啦！超輕鬆～ ．馴鹿黑松露法式奶凍，超香濃奶味再散發出淡淡黑松露味，呢一刻好享受！ ．美麗精緻嘅馴鹿白巧克力，靚到以為係裝飾品！最愛白朱古力嘅一定唔好錯過！好香甜 ．星空柚子朱古力甜品杯 白色嗰粒係柚子奶凍，伴新鮮藍莓，蓋上星空朱古力～好靚呀！香濃朱古力味帶點柚子香味～好特別啊！ 親手加入熱朱古力漿，睇住佢溶化一刻，心情愉快舒暢～好療癒！ 記得提早訂位啊~設有私人包廂，一大班朋友傾計最好不過！ 「幸福樂園」下午茶（最少兩位起）定價為每人港幣298元 惠顧下午茶，DK Cuppa Tea會贈送「魔法咭」五張，每張「魔法咭」均介紹一種香薰精油及其療效，我抽中嘅係玫瑰草，係張卡上滴一滴香薰精油，可以帶比我安全感覺！ 仲有一張蝴蝶心願咭，寫上願望一定會達成！ 等我都將願望蝴蝶掛起願望牆上面先！ 原來老闆娘Kay Lai 係香薰治療師同催眠治療師~ 黎到店內有機會可以同佢傾計，原來我都有好多負能量⋯老闆娘同我地傾計分享，媽媽抑鬱心情即時解開！可以重新上路喇，哈哈！ 大家都充飽電喇！ 推介！閨蜜必去影相打卡好去處～ DK Aromatherapy / DK Cuppa Tea上環新店 地址：香港上環新街市街19號地下（上環地鐵站B出口） 請致電訂座上環852 – 2386 3588 營業時間：上午11:30 – 晚上8:30（每天） 餐廳資訊： https://goo.gl/FXYrGH