前前後後都帶左工人姐姐去幾個地方~  由於每次去旅行都有老有嫩，所以我同老公都決定帶埋工人姐姐一齊去，幫手推下BB車、拎下BB用品都好~  不過呢，帶印傭/工人姐姐去，除左要買機票、船飛外，最煩就係要搞簽證...  由於我我工人姐姐係拎印尼護照，其他護照例如：菲律賓、孟加拉等...就要自己再check下~ 1. 澳門  呢個最方便只需要帶工人姐姐passport同身份証就ok！ 唔需要申請任何野~ 所以話去就去，一共去左2次 :p  2. 台灣  都算簡單，基本網上填好申請表，之後再加以下文件就ok~  當時我同工人姐姐一齊去申請，交好表後已經話7日後可以拎visa~  費用: $470  申請: 09:00 - 13:00  地址: 金鐘力寶中心第1座40樓  1. 護照正本  2. 簽證申請表  3. 照片：6個月內之（2″ X 1.5″）彩色照片2張，白色背景  4. 僱傭契約影本  5. 雇主香港身份證影本  6. 外籍家庭傭工香港身份證影本  7. 外籍家庭傭工香港簽證影本  8. 外籍家庭傭工護照含照片頁影本  9. 外籍家庭傭工與雇主或其家人赴台航班資料  10. 雇主簽署之申請中華民國簽證保證書  詳情 : http://www.tecos.org.hk/香港家庭外佣到台灣簽證事  2. 日本  建議要先網上預約日期去搞visa，因為好多人！ 如果唔係有排等...基本上証明到要照顧小朋友或者老人家就ok~ 都係過左幾日就收到email話可以拎visa~  費用: $480  預約申請: 08:30 - 15:00  非預約申請: 08:30 - 13:30  1. 赴日簽證申請表(指定表格)  2. 彩色證件相 1 張  3. 護照(正本及複印本)  4. 香港或澳門身份證(正本及複印本)  5. 有效香港或澳門居留許可(正本及複印本)  6. 僱主之護照(複印本)  7. 僱主之香港或澳門身份證(複印本)  8. 僱主發出之擔保信(正本)(參考樣本)  9. 僱傭合約(正本及複印本)  10. 申請人之來回機票(正本及複印本)  11. 僱主之來回機票(正本及複印本)  詳情: http://www.vfsglobal.com/japan/hongkong/how-to-apply.html  3. 韓國  對我黎講，申請姐姐既韓國visa係最、最、最煩既~ 因為煩係煩在要寫封explanation letter去講點解要帶工人姐姐去... 佢會問點解父母都去，工人姐姐仲要照顧小朋友or老人家？ 所以explanation letter係決定申請成唔成功既主要因素！  費用: $320  申請: 09:00 – 11:30  地址: 香港中環夏慤道16號遠東金融中心5樓  1. 簽證申請書 (海外家庭傭工一般入境 (C-3) )  2. 白底彩色照片一張  3. 申請人的護照 (護照有效期逾6個月以上) – 包括有效的香港工作簽證 (正本及複印本)  4. 申請人的香港身份證或(正本及複印本)  5. 僱傭合約 (正本及複印本)  6. 僱主的護照 – (正本及複印本)  7. 僱主的香港或澳門身份證 – (正本及複印本) 8. 僱主的在職證明書 (於最近3個月內發出，並列明職位及入職日期/派遣期間)  9. 申請人、僱主及同行之核心家庭成員的往返航班(需為同一航班)訂位資料 (flight itinerary) 10. 具有人道主義性理由的解析信 及 能夠支持其理由的證明材料       *解析信內容需以英語/韓語書寫 - 請註明僱主的聯繫電話號碼及電郵地址以作通知審批結果之用 -          由於各僱主的理由不一，請因應個別理由提供相關的證明材料。          例一： 看顧同行的年幼子女 - 該子女的護照複印件 - 該子女的出生證明複印件 11. 抵韓以後的計劃 (需以英語/韓語書寫)  詳情: http://overseas.mofa.go.kr/hk-en/brd/m_20261/view.do?seq=717553  記住，雖然工人姐姐係返緊工~不過去得旅行，大家都想玩得開心~ 所以食野、著和服、去樂園我都會帶埋姐姐一齊~ 我地會少少budget姐姐去買手信~等佢可以送俾親友~威威豬 :p   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com