有咗包包之後，除咗煮飯之外，家中大小事務老公都一力承擔。仲有幾日就新年啦，呢排都有默默執下屋，但爬高蹲低抹嘢都真係唔太方便，之前都好苦惱大掃除點算好…… Facebook有好多抽獎活動問答比賽，唔少媽媽好似我咁，見獎品都幾吸引但求一試無妨又玩下。好好彩地，包包未出世已經腳頭好好，呢幾個月包媽已經中咗幾份獎品，呢份絕對係至愛中嘅至愛 ---「5小時大掃除+全屋洗水管服務」包爸知道中獎時真係叫左出嚟，今年唔使大掃除緊係勁開心啦哈哈~ 家中長輩知道後，都問「有無咁著數呀？？」的確，中獎最怕俾人sell到暈，一係就拖完又拖唔知幾時先兌現。但呢次又真係好好喎，中獎第2日清潔公司已經同我聯絡，講低新年前仲有邊啲日子ok，由於清水管要2小時，大掃除又要5小時，好快就約咗上星期五及六啦。 大掃除有兩個姐姐上門，所有工具包括水桶地拖甚至條梯都係佢地自己搬上門﹗由於我地都無請鐘點姐姐經驗，佢地主要想清邊度真係DEAD咗AIR…然後佢地就自動自覺做嘢啦﹗ 由房間開始抹窗抹櫃抹門抹檯，拆冷氣機隔塵網同外殼清洗，櫃頂吊燈天花一大堆入伙後都無再清潔過嘅地方，全部變得一塵不染﹗﹗﹗真係心心眼到一個點﹗ 浴缸有省乾淨，就連上手留低有千年油污嘅抽油煙機，之前我用熱水浸過省過通通無效，佢地可以變到咁，睇對比圖啦﹗ 五個鐘完全無停手，請佢地飲嘢都話自己有水，搞到我地都好鬼唔好意思添~ 更多包媽孕期分享，請FOLLOW https://www.facebook.com/winnie810corner/ 另一日就做埋清洗水管服務，本身都R頭唔太明白全屋水管可以點清，不過老公同我一齊喺屋企都唔太擔心安全問題嘅。兩位男工作人員好準時帶住一大堆儀器上門。 先詳細講解會出水錶關大制，用氣壓機泵晒全屋嘅水出嚟，再用檸檬酸浸喉管20-25分鐘將鏽跡蝕走，最後再用氣壓機將呢D污糟嘢沖走佢。（類似係咁啦唔太記得清楚啦）如果係鐵喉有機會係咁： 唔係我屋企，係佢地FB貼出一D舊樓唐樓清潔後嘅相片，好嚇人 經過係點無咩所謂啦，重點係結果啫。我地搬入呢間屋剛1.5年左右，上手業主換晒銅喉，本身以為清完應該無咩分別，點知都咁樣樣…… 如果第時沖奶煮嘢俾包包食，就會食埋呢啲雜質落肚啦OH MY GOD﹗ 好開心新一年有咁多LUCK，多謝包包好腳頭^3^希望大家豬年都行大運啦﹗ ***事先聲明錢我真係唔使俾，但呢篇完全唔係贊助文而係中獎分享文嚟咋，可以睇返FB Page雲妮手札，我有寫返喺邊度參加活動贏返來的~只係做完真心覺得不錯，大肚或湊住小朋友無時間打掃嘅媽媽可以參考~~ 如果覺得有用的話 留言同我講聲加油或者留個腳印 我就已經好開心啦 =) ***************************************************** 包媽雲妮有多重身份：新手孕媽，娛樂小編，主播，活動主持…… 邀稿│出席/主持活動│試用│試玩 歡迎inbox FB PAGE雲妮手札 聯絡   更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/