呢排天氣好似坐過山車咁，凍一排又熱返一日，又凍返先再回暖，所以大家都要小心身體，千祈唔好喺新年前病呀~好似我咁.. 為咗快啲好返，除咗有睇醫生食藥，都搵下有無咩加強抵抗力嘅食療又簡單又有效。其中我見到呢個好多成功經驗嘅「古方」，屋企經常都會有齊晒三樣材料，所以就即刻試下呢個「洋蔥蘋果蒜頭汁」喇！ 材料：（1人份量） 洋蔥 1個 蘋果 1個 蒜頭 3粒 做法： 1. 蘋果、洋蔥去皮之後切細件，蒜頭去皮後拍鬆 2. 係燉盅內倒放一個細碗，將材料鋪上去 3. 中火燉45-60分鐘，時間夠就可以先將材料夾出嚟 4. 拎走個碗就可以見到燉出嚟嘅「洋蔥蘋果蒜頭汁」 最近入手美的陶瓷蒸燉寶MD8101F，係一人燉盅嚟，剛好將材料塞滿，而今次就利用蒸燉寶嘅「燕角」功能，預設時間係45分鐘，將時間加至60分鐘，如果唔想睇火用佢都幾好～ 終於到試味環節，原來1人份燉出嚟都唔係太多，真係滴滴皆辛苦....味道其實似蘋果湯，仲要主要係甜味(蘋果汁已經遮晒洋蔥蒜頭味！)，易入口小朋友都會鍾意！ **麵語錄食玩遊記 by Aminn / C家重地 讀者優惠** 而家到美的網上商店(www.mideahk.com)消費，喺付款前輸入「優惠碼：0507ad」即可享有「8折」折扣優惠     是次小分享完畢，有興趣可按 麵語錄食玩遊記 by Aminn 或 C家重地 其他分享 :) Aminn | Beauty．Food．Fun．Parenting．Trendy｜            麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn    C家重地 (Parenting)  www.facebook.com/sy.lam.family   任何合作請接洽：aminn613@gmail.com