第一次出post, 多多指教 :) 妹妹月前出世，上幾星期小弟放緊大假陪老婆坐月，坐月尾聲, 我帶左阿仔兩個人去日本親子遊, 其實單拖唔難, 仲拍埋片, 好想同大家分享! https://youtu.be/HeawUaPdrPs ————————————- 單拖帶2歲未夠0既小朋友去東京有以下發現： 1. 1 日2個行程差唔多，不過最好plan 定多個做backup。同日行程最好plan 0係同一個地區。上野 係幾好，有公園、動物園、博物館、餐廳 玩足一日。 2. 計劃行程坐車時間要預長d, 同平時自己去唔同，推住BB車，一定要搵LIFT;，而且東京鐵道d LIFT;好難搵..... 3. 日本0既親子館真心抵玩！ 4. 比多少少錢住有套房0既酒店房，因為佢訓左，你仲可以關房門食宵夜。 5. Red Eye Flight 係唸得過，反正飛緊係BB訓覺時間。 6. 廉航都唸得過, 小朋友會喊，要預早教育，我早一個月，每日同佢講坐飛機0既故事。今次來回都隔離位冇人，唔知係咪特登。如影響到人，要say sorry。 7. 坐飛機帶玩具，顏色筆拍紙簿係最好！帶果汁起飛降落嘅時候飲。 8. 在日本，6歲以下招搭車唔駛錢。記得用Suica card, 推住BB車，你唔會想買飛。 ———————————————- 飲食方面：阿仔基本上跟我食，當然我都要揀清淡食物，佢好大食要食一個set, 例如早餐和食有飯有魚+西式多士包包，兩份食。另外，媽媽都係功臣，因為佢由阿仔6個女開始行BLW, 所以今次佢可以「自食其力」XD   飛機方面：來回都揀夜晚機，目的係希望佢大部分時間都瞓覺，結果成功！只係起飛降落時大喊一陣，我亦有向隔離左右表示歉意。另外，早在出發前一個月，我每晚都同阿仔講同一本坐飛機0既故事書，每一個細節都講。希望俾佢有心理準備。   住宿方面：第一晚係瞓機場，純粹想比我同埋佢都體驗下，第二晚住品川王子酒店。第三晚，就係就走左班機果晚，住機場酒店。   另外，的確平時我都好落手落腳湊仔，朝早起身要我，晚上奶奶故事要我，假日出入學野都係我一手一腳，但唔好搞錯我老婆咩都唔做，而係過去10個月佢粗身大細，而家又坐緊月，所以變左我要出手，不過...都好0既，阿仔同我關係非常好！   attach幾張相，分享下:)   —————————————————- 唔計多出黎0既error (我走左班回程機.....留多左一日), 原本個行程係咁0既： 23/1(三） 1500 Check in 1800 起飛 2255 到達 0000 機場過夜 24/1（四） 0730 機場早餐  0830 機場沖涼 （機場二樓 Shower Room) ¥1550 0930 上野動物園 + 國立科學博物館 + 小睡 1200 午餐 （上野公園 野餐） 1300 Shinagawa 水族館 + 午睡 1730 checek in 酒店 1900 SkyTree + 波波池+ 晚餐 - 波波池 東京SORAMATI」5/F - 晚餐 3/F 美食街 2100 回酒店 zzzzzz 25/1（五） 早餐 The City Bakery 1000 Tokyo Toy Museum + 小睡 1200 午餐 1300 明冶神宮外苑NIKONIKO PARK 玩公園 1500 台場Anebytrim Park + 午睡 1800 大江戶溫泉♨️ + 晚餐 2100 去機場 2355 起飛 0415 到達