上次講過玩具閣,呢個玩具閣除左放玩具,亦都係芝士妹玩遊戲的小天地。我地會預先準備好一堆遊戲卡,放係每個盤上面,比芝士妹自由拎來玩。每星期轉一次遊戲卡,一個月就轉一個主題。點解我地要預備呢啲遊戲卡?係因為芝士妹仲有成年先入幼稚園,每一日除咗返遊戲小組,去公園玩,其他時間都冇嘢做,唔想佢成日睇電視,所以整遊戲卡可以俾佢消磨時間,亦都可以俾佢學到啲新嘅知識,當然媽媽要一齊陪佢去玩啦。 懶媽的我實在無咁多主意,偉大的網上資源幫助芝士媽搵好多題材! 芝士媽精選4個網站比大家參考。 「1」 totschooling 按此 呢個網頁按節日,年紀,主題分類,subscribe 佢地網頁,仲定期email相關節日的材料包。好似最近一期就係冬天,情人節,新年。 遊戲包會有不同遊戲卡,好似顏色配對,填色紙,點點畫,數字卡,形狀配對,泥膠畫。有時點點畫,亦可以用貼貼紙嚟代替,仲可以訓練小朋友手肌嘅運用。再深d會有常見字配對,大小寫英文字母配對,陰影配對。絕對岩哂懶媽我,有教育意義右可以玩。 題材分享: 冬天 春天 「2」fortunecookiemom 按此 呢個網頁部分免費,覺得岩可以付費加購。材料包會以節日分類,好處係有埋中文做flash card。免費項目有配對卡,手寫練習,數數遊戲等。 題目分享: 中秋節 「3」Pinterest 呢個網由結婚用到而家,當佢係google 咁search就可以。search 字眼:Chinese new year craft(節日手作) , Montessori activity, 「toddler / preschool」 free printable .... 有圖參考,有網站連接。最好用係有app方便使用。 「4」Print kids .net 按此 呢個係一個日文網站,入面有連線,迷宮,找不同,數字練習。仲要色彩繽紛,吸睛之選! 父母可以善用網上資源,使孩子可以在充滿變化嘅遊戲中學習。大家可以收藏着以上網站,方便搵素材比小朋友。 如有任何邀稿或產品試用,請電郵聯絡:emily.ou.810@gmail.com Mamibuy :芝士姐姐與杞子弟弟 Facebook : 芝士妹成長日記~* esdlife: 靚太club