時間過得真快 轉眼間就來到孕期最後一週 如無意外檸蜜B係下星期一2月11日就會出世喇 一直想用文字記錄一下當中的苦與樂 但就是太懶惰喇，哈!   2018年6月15日 (4w2d) - 第一天發現你   第一天發現檸蜜B已經悄悄來到 原以為又係無料到 望住呢條似有還無的線 真係手都震 拎去比檸蜜爸睇 睡眼朦朧的他一開始還說"邊有呀" 打開窗簾間房光D檸蜜爸才確認 一句講哂真係好感動 原來神早已預備   2018年6月28日 (6w1d) - 第一次聽心跳   知道Bingo之後 急不及待去book私家醫生照超聲波 (很多人都會等8w才去, 因為會比較容易聽到bb心跳) 檸蜜B好乖 6w1d都比爸爸媽媽聽到心跳 望著呢粒"閃閃" 確認唔係宮外孕 真係有放心感覺     2018年7月24日 (9w6d) - 第一次見紅   早上如常起床番工 去完toliet之後嚇見 鮮血滴到一地都係 還好檸蜜爸未出門 兩個人手都震哂咁 唔知去醫院定去私家診所 好擔心檸蜜B要走了 最後在診所照超聲波 雖然見到"閃閃"還在 但都係好驚好驚 經過打針+食藥+臥床1星期 終於穩定了 自問都係乖乖自律的孕婦 介口都介得好清 中醫說出事的源頭係 我1星期飲3-5次的黑糖薑茶 薑是沒有問題的 但黑糖原來係活血化瘀 孕婦大忌呀!!! 最初飲都係因為薑可以舒緩作嘔感覺 萬萬想不到黑糖這些老少咸宜的食材會差點出事     2018年8月5日 (11w4d) BB Fair     以前因為工作關系 婚展去得多 BB展真係第一次 新手爸媽其實無shopping list 估唔到最後行了7個多小時 行到腰痛 為了BB，值得!       第一孕期 (第1-3月)   身體方面就可以用24小時在暈船浪來形容 無時無刻超級想嘔但又嘔唔出 整日都在肚餓 好記得有一晚食飽飯 凌晨1點好肚餓起身食了個米粉 然後朝早未夠6點個肚又打鼓 最吊詭的是無胃口+極肚餓同時來臨     2018年8月17日 (13w2d) - 知道BB性別   臨收工收到診所化驗報告 見到係男仔 當下感覺係: 呀!!比老公估中添!! 雖然內心想要女仔 (可以扮靚) 但唔緊要 檸蜜B係男仔作媽媽的一樣愛 仲可以買baby blue顏色BB用品 話哂baby blue 係我至愛嘛~     2018年9月9日 (16w4d) - 第一次胎動   睇網上資料 一般媽媽在18週左右會開始feel到胎動 第一胎的媽媽也許會更遲 所以自已一直都好期待呢一下 因為係好實在的感覺 活生生的生命在自已肚內 親密又奇妙     第二孕期 (第4-6月)   人家說孕中期係蜜月期 我覺得都有5成正確 睇中西醫都話陀得幾好 BB穩定成長 (只係肚腩大左D) 媽媽做到肥胎唔肥媽 (我係5個月先開始體重比懷孕前增加) 不過....好記得4,5 個月時想暈情況好嚴重 即使出門前食早夠早餐 但番工旅途企好短時間都會暈 一開始企可以無事 但果種"暈"係黎得好急 下15秒眼前影像開始閃下閃下 耳仔開始聽唔到野 一定要坐低先可以解決 感覺係好恐怖 最麻煩的是不太見肚 外觀上唔多似大肚婆 好難有人讓座 最深刻有一次要行3分鐘路程去小巴站 我居然中途坐低了4次 每一次都是要暈的臨界點 進食方面keep住肚餓 但做到少食多餐 每日很routine的餐單: 早餐(8點)->蛋(11點)->午餐(1點)->生果(3點)->茶點(5點)->晚餐(7點半)->生果(8點半)     2018年12月15日 (30w3d) - 第二次見紅     呢日原是滿心歡喜地去拍孕照 去到studio 嘅toliet 再次發現有鮮血 同檸蜜爸即刻走人打的去醫院 雖然都好驚，不斷禱告 但沿途都一直feel到BB踢 去到醫院，最初以爲check 一check就走得 點知要辦理入院先可以check 簽好多同意書  護士講到我可能生得咁 兩點幾入院 check咗3 round 心跳+1次超聲波 感恩BB無事，有心跳，有郁，無肚痛，子宮頸未開 胎水胎盤所有嘢都正常 應該唔係早產 留院一晚，超級辛苦，腰酸背痛 第2日下午4點左右先有醫生巡房 要求我再留多一晚觀察 我即刻委屈到喊左 最後自簽出院 乖乖在家bed rest 總好過憋在產前病房 身心都太難熬了     2019年1月30日 (37w) - 人手推肚 (ecv)   一般BB在約30週會開始調頭 繼而落盤再準備出世 但檸蜜B到36w都未調頭 依舊坐定定係媽媽個肚 為了順產, 決定接受人手推肚 早上8點入院 內心其實都好忐忑 上網睇過人手推肚一點也不簡單 要直接在產房進行 要打放鬆子宮的針 成功機率只有40%-60% 萬一中途有唔妥就要緊急開刀 想到以上種種 覺得很孤單很冷冰冰 一輪檢查之後 醫生說我胎水不夠 人家正常值是8, 我才是6.19 風險高所以不建議做人手推肚 最終也約了開刀期     2019年2月1日 - 最後一次私家產檢   雖然確定了開刀期 但都想見多次BB (超聲波) 結果實在有趣 胎水值是10.47 變正常還要高這麼多 為甚麼公立與私家的結果會差這麼多? 不過, 這天知道胎水足夠也是好事 起碼胎盤功能還是正常 醫生也說檸蜜B無再玩臍帶喇 檸蜜B照出來係大頭B 佢好可能都係錫住媽媽 知道如果順產 媽媽一定生得好辛苦 所以一直坐定定唔調頭     第三孕期 (6-9月)   檸蜜B開始大隻開始重了 托腹帶成為我的良伴 睡眠質素下降 整夜同一邊側睡會很累 但中途要轉身也要花很大力氣 還好檸蜜爸買的巨型孕婦枕也發揮作用 走路速度比孕中期慢很多 行耐少少條腰好似要斷咁 搭地鐵要mark實關愛座 可惜很多內地大媽都喜歡與她們的戰利品同坐關愛座 反觀最常主動讓座的是50歲左右的大叔 有人讓座係好感激 但有時被人但空氣實在為他/她們感到可悲     Round-up   呢個懷孕經歷實在很豐富 從沒想過會兩度見紅 從沒想過原來BB會唔調頭 從沒想過有機會要試人手調頭 從沒想過唔可以順產 從沒想過要開刀 這一切"從沒想過" 更讓我覺得人的渺小 能控制的不多 心中滿滿的籌算又如何? 何不平安地、歡喜快樂地 迎接天父爸爸為我們預備的呢?     孕照   好快好快 檸蜜B呢隻豬仔要出世喇~ 早前補拍了孕照 實在是好滿意!         拍攝地點係The Grey Core 感謝YOLO Photo 一期一會團隊 開頭其實都係Facebook亂search的 但一看到場地佈置同相片就選定了他們 warm + natural 的孕照一直是我喜愛的       整個拍攝也很輕鬆 拍出來也很自然 真的給我們留下美好回憶! 全自費拍攝 真心推介           Dar's sharing: BeautyLife ...... she ...... blogspot ...... Weshare ...... Qooza Beauty ...... Mamibuy ...... WOW   Dar's contact: daryingdar@yahoo.com.hk Dar x Raine Facebook Page: DA.R.AINE