嘩嘩嘩～尋日小JM同一眾朋友仔一齊去咗荃灣千色匯 參加一個DIY 漫畫揮春設計工作坊， 小JM仲係導師嘅帶領下完成咗一張獨一無二 嘅立體揮春添! 媽媽突然間真係覺得小JM大得太快啦，咁快就識聽指示完成畫作。 VIDEO:   唔單止咁，我地仲發現原來場內咁可愛得意嘅公仔及擺設原來係出自《愛。回家》Terry李偉健嘅手筆架！ 果然唔單止演戲得，就連畫漫畫都一樣咁得。   場內以「新春愛家。緣」為主題，打造出一系列打卡點，包括： 電視台拍攝場景 ^場內變成拍攝場景，原來係拍攝緊賀歲節目呀！   你睇，有醒獅同大頭佛添呀！   ^前一啲嘅位置就有眾人夢寐以求嘅「位置」- 導演位！   小JM見到亦急不及待要上去坐下、感受下!   無他嘅，其實我地本來就係自己嘅「人生導演」！   ^嗱嗱嗱~有導演又點少得粉絲先得架！  你咪睇少佢係一個普通粉絲，其實佢係Terry幻想出來嘅角色 - 妹妹。  聽說係因為Terry好想要一個妹，所以就創建咗啦！   而另一邊廂就有一個廚房嘅場景！ Terry帶咗爸爸媽媽去參加烹飪節目，教大家煮賀年菜色！ ^為食小JM又出動！仲想成煲拎走添～   360照相館 Terry將一家人齊齊整整食團年飯嘅模樣都投放咗係電視大銀幕， 希望大家都可以感受到Terry家嘅愛及暖意！ 我地可以進入電視大銀幕之內一同與Terry一家人一齊影相留念添架。 你睇～啲餸菜真係好豐富呀！     而講到最吸引小朋友們嘅就當然係DIY 漫畫揮春設計工作坊啦！ 不如一齊來睇下小JM點樣係導師嘅指導下完成揮春啦！ 場內工作坊請來咗幾位導師指引小朋友完成揮春，開始前導師會為小朋友作講解。 材料應有盡有，小朋友可以有多種不同材料配搭， 係導師指導之下即使小JM咁細，都一樣可以完成。   先揀選好外框後，再為外框加上框線！ 估唔到小JM係指導下可以自己畫到框線，雖然唔係100%啱晒，但媽媽已經收貨！   畫好外框後就要開始畫圖案及寫字， 寫字就由媽媽代勞，畫圖案初稿後就由小JM自行上色及發揮。 完成晒之後，老師會教小朋友利用厚身相面膠貼將圖案貼於揮春之上以呈現立體感。   貼好後，就可以捺選喜歡嘅閃片貼於揮春。 小JM揀咗熊熊呀！   貼完閃片都未算完成架，仲要為揮春加啲顏色！ 導師會俾畫筆小朋友，再教小朋友慢慢逐點該點點顏色落揮春作點綴！   ^點完黃色到粉紅，小JM真係好落力架！   雖然有少部份時間媽媽亦會執住小JM手仔畫外形， 但油顏色同貼野都係小JM一手一腳做架。 就連畫框邊都係導師嘅鼓勵下完成到，媽媽我都好意外。 經過今次工作坊之後，睇來小JM又多咗一啲新技能了～！ ^完成後又點少得影相留念呢！     活動資訊： 賀年全家【撈喜】360照相館 日期︰ 2019年1月19、20、26及27日 （星期六及日） 2019年2月2、3、7、9、10、16及17日（年初三、星期六及日） 時間 : 10:00am–10:00pm 地點：荃灣千色匯 I（商場 1 樓 Starbucks 對出）   參加方法： 以電子貨幣即日消費滿HKD$100或以上，即可換領「賀年全家【撈喜】360照相館」門券，享用360˚照相機拍攝服務。   「DIY 漫畫揮春設計」週末工作坊 參加方法： 以電子貨幣即日消費滿港幣 $100 或以上，即可換領「DIY 漫畫揮春設計」週末工作坊入場證乙張，於指定時間參加工作坊一次。 換領日期︰1月18日至2月16日 換領時間︰10:00am–10:00pm 換領地點︰荃灣千色匯 I（1樓禮賓部）   活動地點︰荃灣千色匯 I （商場2樓香港地旁） 活動日期︰2019年2月2、3、9、10及16 （星期六及日) 活動時間︰2:00pm- 3:00pm/ 3:30pm–4:30pm 名額：每節10人 ~*~*~*~*~*~*~*~*~*~*~*~*~*~*~*~*~*~*~*~*~   「新春愛家。緣」 日期︰即日起至2月19日 時間︰10:00am–10:00pm 地點：荃灣千色匯1期   #KOLOUR #新春愛家緣 #團圓賀新春 #過肥年 #豬年大吉