發覺自己好少整薯仔食譜， 最多係炆雞翼， 或者用薯仔打西湯或煲蕃茄薯仔湯， 但最近比Bella食左啖麥噹噹嘅早餐薯餅， 個為食妹超鍾意食， 這又令媽媽我諗下薯餅食譜， 今次就索性用埋芝士、免治牛肉、 蘆筍同粟米粒同薯仔切絲， 再加D麵粉做軟餅， 三四塊當主餐食，飽肚又易整。    《幼兒食譜：芝士碎牛薯絲軟餅》     材料： 薯仔一隻(我用小薯仔兩隻) 免治牛肉兩湯匙 洋蔥、粟米少許 小蘆筍四支 芝士一小片 麵粉兩湯匙 水15ml   鹽少許（如有需要）   做法： 1. 把洋蔥切絲，芝士及蘆薈切碎備用       2. 薯仔去皮，刨絲備用。         3. 麵粉與15ml水混合拌勻成糊狀。         4. 把薯絲加入麵粉糊拌勻。   5. 然後再加入其他材料混合拌勻， 所有材料都要沾到麵粉糊，再加些許鹽。     6. 易潔平底鑊燒熱下油，滾後勺入薯絲糊， 略壓平，調至中火，用鑊剷於薯餅邊試推動， 如已挺身便可剷起翻轉，兩邊略煎至微黃便成。         薯絲餅軟軟的但不會散，入面又有多種餡料， 又香口又飽肚，希望各位小朋友都喜歡。             ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss