芝士媽媽同芝士姐姐，杞子弟弟祝大家新年快樂???? 大家係咪忙着去拜年？拜完年小朋友冇嘢做，不如早啲手作仔粉飾下屋企。我哋整咗五款小手作，希望大家都喜歡。 第一款：揮春設計    材料：紅紙，貼紙 做法：預先寫定一啲賀年說話係紅紙上，然後叫小朋友貼返相關嘅貼紙落去。例如我今次整嘅係「豬年大吉」。大寶寶亦可以用毛筆可以寫揮春。完成後可以放喺屋企做裝飾。 第二款：大吉貼貼貼    材料：畫紙，橙色紙碎 做法：畫一個大吉，然後叫小朋友痴橙色紙上去做裝飾。 第三款：年年有魚      材料：紙碟，貼紙/顏料 做法：紙碟剪成魚嘅形狀，然後用貼紙/顏料做手指畫 第四款：自製舞龍    材料：紙袋，揮春，舞龍圖畫，裝飾貼紙 做法：小朋友先用顏色畫左舞龍圖畫，再痴上紙袋上。再用屋企多咗嘅揮春痴係袋身。最後用顏色紙/貼紙裝飾。 第五款：家庭樹    材料：底紙，顏色紙 做法：畫一個樹幹喺底紙上，再係顏色紙上畫上家庭成員嘅手掌，剪出手掌印，痴上底紙上 以上嘅小手作可以訓練下小手肌！希望大家都有個愉快嘅新年假期。 如有任何邀稿或產品試用，請電郵聯絡：emily.ou.810@gmail.com Mamibuy ：芝士姐姐與杞子弟弟 Facebook : 芝士妹成長日記～* esdlife: 芝士妹成長日記～*