米豬生日會請晒爺爺嫲嫲公公婆婆姑婆仲有舅父仔蔚蔚e一家嚟, 梗係要煲返個勁湯啦~~ 天氣繼續乾燥我地就繼續滋潤~~ 今次除咗成日落ge印度椰子, 我地落埋個椰王~!   材料: 印度椰子 1個 椰王 1個 栗子 半磅 粟米 2條 合掌瓜 2個 無花果 2粒 豬展 1個(大, 買咗70蚊)   做法: 1. 椰王買0個陣可以請菜檔姨姨幫你開咗佢, 起肉, 留汁備用 2. 豬展切件後加薑蒜, 連栗子一齊跑活水 3. 湯煲準備5公斤水, 煲滾 4. 椰王起肉後會有d衣痴住, 要met走晒佢先 5. 印度椰子切條, 粟米切件, 合掌瓜切件 6. 湯煲水滾後加入全部材料, 煲2個鐘 7. 飲之前加入椰王水, 煲5分鐘後就飲得喇~   米豬試食時間~ 超級甜~!!! 個個都話勁好飲~!! 米豬拎住壺湯冇放過手XDD 就知有幾好味~   椰王含有多種維他命, 仲利尿消腫, 幫助排毒, 媽媽們食咗仲美白袪斑tim~~ 不過因為都算比較高膽固醇. 唔好成日食啊~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/