慢吞吞媽媽終於都肯寫米豬生日會喇~ (講緊係1月19日開ge生日會)   本身想book party room ga, 但係米豬自從12月病病完出山之後一見多人就痴實我, 我一行開就狂喊, par乜鬼ty吖, 屋企食餐飯算啦~! 結果就邀請晒4大長老, 姑婆, 大細舅父同蔚蔚姨一家嚟我地屋企玩喇~   由1月頭開始已經問米豬佢要咩蛋糕, 我比包包超人同McQueen佢揀, 佢真係好認真咁考慮咗成分鐘, 再答我McQueen, OK~ 仲易搞~ 美心就有喇~    其實我本身係懶到想叫到會, 但得十二三人, 點叫wo....... 結果就煮一半比長老們食, 後生ge再genki sushi~ 但係我冇偷懶ga~ 我有煲湯呀~ 我煲咗雙椰栗子湯呀~  仲煮咗..... 泰式燒雞, 炒西蘭花, 鹽焗烏頭, 清蒸馬友, 蒜香排骨, 另外再叫咗2盤sushi 大家很合作幫我秒殺晒d食物~~ 之後就切蛋糕喇~~ 由於淆底米驚起哄, 我地連生日歌都係靜靜地,細細聲地唱XDD 諗返覺得好好笑, 好似要偷雞開生日會咁XDD   多謝大家咁愛米豬, 送咗好多禮物比佢呀~~ 多謝云姨姨ge掀掀圖書 多謝姑姐ge tool box 多謝蔚蔚姨本掀掀firetruck書 多謝舅父仔本掀掀firetruck書(同上XDDDD 同一本囉勁好笑~) 多謝大舅父送cashier 仲有爸爸媽媽送ge Lego Duplo fire station~  當然唔小得爺爺嫲嫲公公婆婆同姑婆大利是啦~~ 米豬2歲生日會就咁樣悄悄地, 靜靜地結束lu~~   唔經唔覺, 原來自己都湊咗米豬一年幾喇~ 當初仲以為自己會好唔習慣, 好快會搵返工, 但原來自己係咁鐘意對住米豬ga~ 呢一年睇住你由爬變行再跑, 同埋由爸爸媽媽奶奶變成米豬食奶奶, 好神奇, 而且每日都係新挑戰, 今年仲開始返學添, 見你成日都話要返學搵葉老師同埋Miss Grace, 媽媽就知道你返學係過得開心, 同埋享受上堂ge時間~ 希望你可以繼續愉快學習   大個仔喇~ 2歲唔再係BB喇, 開始邁向小朋友階段, 亦都踏入傳說中ge trouble 2, 媽媽希望你可以學識控制脾氣, 同埋成為一個勇敢ge寶寶, 媽媽都會努力學習, 陪你一齊成長, 做一個好媽媽, 而唔係一個慈母, 我唔要你做敗家仔啊~~   不過, 只要你健康快樂, 就係媽媽最大ge心願, 媽媽愛你啊~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/