睇左一篇文章講： 現今香港人點教仔嘅 想同大家分享一下     好多港爸港媽都會教小孩「表面上得體」並沒有時間去教小朋友做人真正嘅態度   其實，迫個小朋友做人「表面有禮」 係冇用嘅⋯ 就舉個例說：做錯野先黎同人道歉?係冇用嘅！ 人地都係「表面上」回應你唔緊要⋯ 其實，心裡面可能諗：「對唔住大哂咩？」   唔係好理解到？試想像一下以下情景： 坐港鐵，小朋友好挑皮 一腳踢到身邊個伯伯，但個小朋友嘅家長 只係大聲呼喝個小朋友道歉??小朋友只好低頭道歉 事實上，個小朋友都唔會係咧件事上面得到成長。   另一個例子 我同老公假日去放風箏 有個小朋友踩我地風箏尾 其後又用手捲到條尾變左一堆野 我老公都冇話個小朋友 只係講比個小朋友知 「我地係要放風箏，唔係收起佢唔玩」 而個小朋友嘅家長就代表個小朋友道歉   陌生人好難單靠一兩句去「教導」人地個仔 反之，小朋友應該從小培養「同理心」 咧一件係生命中好重要嘅課題   我心目中冇同理心嘅小朋友： 可以搶人地玩具， 當係自己嘅⋯ 可以打人地嘅小朋友， 然後唔覺得自己有錯。   「表面上得體」洐生嘅問題係： 1）小朋友唔明白點解自己要道歉 2）唔明白大人嘅世界點解咁多限制