唯爸生日，又就快情人節，想整個蛋糕俾佢，但大住肚好易攰，就整個最簡單嘅芝士蛋糕， 就快3歲嘅唯b都有份食，大家趁住情人節快啲整，同大小情人一齊食啦！   材料（製作7吋蛋糕）： 餅底： 消化餅 135克 無鹽牛油 90克   士多啤梨醬： 士多啤梨 135克 魚膠粉 10克 糖 30克 水 約20毫升   其他： 淡忌廉 200毫升 忌廉芝士 220克 士多啤梨（作裝飾用） 約10粒（視乎大小） 水 約30毫升   做法： 餅底： 1. 以熱水坐溶牛油 2. 將消化餅弄碎，與牛油拌勻 3. 將混合物倒入蛋糕模底，用力壓實及壓平，放入雪櫃雪約半小時   士多啤梨醬： 4. 把用作製醬的士多啤梨切粒，連糖及水放入鍋中，以細火煮至糖溶 5. 倒入攪拌機攪成士多啤梨醬，再倒回鍋中 6. 把魚膠粉放入水中，拌勻，倒入士多啤梨醬中，以細加熱並混合   芝士蛋糕餡： 7. 用電動打蛋器以高速打發忌廉芝士至軟身 8. 轉至低速，並慢慢加入士多啤梨醬，打勻備用 9. 在另一個碗中，用電動打蛋器打發淡忌廉至挺身，與(8)的混合物拌勻 10. 拿出餅底，把其中數粒裝飾用的士多啤梨切片，圍著蛋糕模放 11. 把芝士蛋糕餡倒入模，掃平表面，雪最少3小時 12. 食前用士多啤梨裝飾就完成 Like our page: https://www.facebook.com/weplaynlearn/  Follow us on Instagram: https://www.instagram.com/kly.chu/