荃灣 D ． PARK 愉景新城 有幾 Kids Friendly 唔使我多講啦！ 媽媽谷每隔一兩日就會見到邊個邊個去左玩， 邊個邊個去左親子餐廳⋯⋯ 作為港島東既我！ 真的非常非常非常羨慕呀！ （點解我呢邊乜都無架⋯⋯） 而我終於的起心肝，遠征荃灣！ 基本上一日都未必行玩買食得完， 比小朋友放電的地方也超多！ 所有餐廳都welcome family， 廁所育嬰室配套齊到令人驚訝！ 如果多D呢種大型親子商場就好喇！ 同埋，我仲見到D‧PARK有個好袖珍的playhouse－「Kids Little Town」！ 舖仔細細但玩落又好多野玩架！ 雖然價錢少貴，但小朋友玩得好開心呀！ Kids Little Town 分為三個小區： 小市場～有好多像真度極高的蔬果！我遠睇以為係真既生果呀！有購物車、收銀機、煮飯仔，阿女一人演幾個角色，好鬼忙！     投影小農場～小朋友可以一邊玩沙，一邊與父母一起捕捉投影的小動物，丁丁玩到入晒神，係咁打兔兔！（家長記得睇住小朋友玩，仿沙粒會有機會入耳仔，或者小B會貪得意放入口食，要留神！）       小火車～有各式各樣木製玩具可訓練小朋友的邏輯思維及肌肉發展，動動腦筋！ D‧PARK 仲有鯨魚花園、中央花園、親子影院、親子餐廳⋯⋯一日又點夠玩呀！ --------------------------- Kids Little Town 地點：D‧PARK L2, 2019號舖（近 Baleno） 對象：2-8歲，可由1位家長陪同 時間：12pm-7pm（平日）；11am-8pm（週末及公眾假期） 費用：$70/25分鐘（平日）；$90/25分鐘（週末及公眾假期） --------------------------- Video (Nov2018) : https://www.facebook.com/MrsKan.blog/videos/195985067976741/   * * * * * * ☆成長日記☆ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk