荃灣體育館開咗一段時間，終於去咗玩嗰度嘅兒童遊戲室！ 兒童遊戲室分11個時段，由早上8:30到晚上8:30為止，每個時段玩45分鐘。每場可以容納40個人，整體感覺一啲都唔迫！ 我哋10點鐘左右去到，成功攞到10點半嘅籌入去玩！每個時段開始前30分鐘派籌，攞完籌就可以行開，夠鐘先返嚟玩。（????假期同埋下午通常比較多人！） 入面嘅設施非常新淨，而且感覺好乾淨！ 我覺得適合九個月至到四五歲嘅小朋友玩，有鋪晒軟墊嘅BB區；又有一般playhouse可見嘅迷宮（中間有啲障礙物）、滑梯等等；而且地方闊落，佢哋跑來跑去都好開心！     入面係以海洋作為主題，周圍都見到海洋生物嘅公仔，就連度高嗰個牌都係有海洋生物嘅！ 玩完遊戲室，仲可以出去出邊嘅公園放電！出面嘅公園就適合大個啲嘅小朋友玩，爬高爬低放電一流！ 仲有呢度交通非常方便，快啲趁放假同小朋友去玩下啦！ **荃灣體育館** 地址：荃灣永順街53號 開放時間：每日7:00am-11pm（兒童遊戲室最後一節為晚上8:30-9:15pm) 交通：西鐵荃灣西站D出口（步行約5-8分鐘左右） 喜歡我嘅分享嘅話，記住like同follow我個Facebook page呀 :)精采嘅分享陸續有來~ https://www.facebook.com/natalie.nathan.mum/ #親子活動 #遊戲室 #放電 #荃灣 #免費 #週末好去處 #kidsblogger #親子blogger #親子KOL