自從澄兄識坐，爸媽每星期都會有幾晚抱住佢講故事。到佢而家2歲，有時會主動拎圖書睇。   講咗好多次唔同/相同故事後，發現能夠親子互動既書最能夠引起澄兄興趣！只要發揮一下想像力，普通繪本都可以產生好多互動~   相信好多爸媽都講過「小企鵝搭巴士」，湜澄媽嘗試拍低我地講故事既過程，希望同大家分享一下。   以下係部分我地互動既位：   排隊上巴士後，澄寶寶會攞八達通出黎do! 我地會一齊按鐘「叮咚」   當巴士要過彎路，澄兄就要扶實媽媽，因為架車會左搖右擺！（澄兄最鍾意就係呢部分）     去到湖畔，澄兄又要扶實媽媽，因為要唱「搖搖搖小船~~」 食午餐就可以互相餵食物，塗面包，飲湯飲熱朱古力⋯     每次講都可以有新玩法新講法，因為小朋友成日都會留意到大人睇唔到既野！爸爸媽媽講同一本書都可以好唔同，澄媽從來唔睇文字，純粹看圖作文；澄爸就會跟著文字講，再加一d道理。   親子共讀「小企鵝搭巴士」50+次後，澄兄學識未到屋企唔可以按鐘！未睇之前佢站站都想按架！   如果大家有興趣聽下我地點講呢個故事，可以去「澄兄湜弟」facebook 睇片   各位爸爸媽媽，你地又會點樣講「小企鵝搭巴士」呢？   = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com