有follow開米豬page ge朋友仔一定知道, 米豬係個消防小粉絲~~ 每日一訓醒就 firetruck! 消防員叔叔, 有時搭電梯企唔定, 就問佢"消防員叔叔點企ga?" 即刻立正~!! 所以消防局openday, 媽媽又點會放過呢個比佢親親消防車ge好機會呢~~   由聖誕節開始知道薄扶林消防局1月20日openday, 日日米豬都問"去得未? openday, 搭firetruck"終於比佢望到openday呢日喇~~~   一早7點幾彈起身, 就摷醒爸爸, 大叫"起身~! 搭firetruck!!" 同學仔媽咪教路, 屋企附近有van直到消防局~ 正~~~    11點鬆d就去到喇~~ 一落車米豬已經超級興奮!!! 係咁"firetruck!!!"    不過真係好多人呢~~ 我地排咗成20分鐘先同到呢架升降台影相呀~~   但係超lucky啊~~ 因為原來唔係間間局比你擒上架消防車度影相ga~~~ 仲要消防員叔叔jar機tim~~ 為咗加快有得影相ge速度, 爸爸去咗排"fire單單" (米豬自創消防電單車英文名), 冇得一齊影 無啦啦有得上firetruck而不知所措的小孩~   算好合作啊~ 要排隊, 雖則有扭一陣計, 但係都肯留响原地一齊排~ 冇發癲~ 叻叻~~~ 終於可以近距離親近佢心愛ge firetruck喇~~ 爸爸都排咗成半個鐘的fire單單~~ 吖~ 見到真車又唔敢坐上去wo~ 淆底仔~~ 爸爸坐仲好~ 勁有型呀~~   影完fire單單又過去影返架消防車    影影吓比消防員叔叔截住, 話要企開喇, 架車要駛出去, 同埋要讓位準備一陣睇救火表演, 咁啱 又閘咗條繩响我地前面, 結果我地排頭位睇救火表演呀~!!! (媽媽係勁開心ge) 初時都有d驚米豬會比消防車响安聲同埋升雲梯嚇親, 點知佢見到完全唔驚, 仲不停"打開, 開門, 攞出嚟, 救火, 升高, fea~" 果然係火速救兵小粉絲, 見慣見熟咁話~   表演完之後仲响正我地面前集隊~~ 開心屎~~~ (被迫背住消防員叔叔影相冇得睇即刻嬲豬)   睇完表演, 就去咗排小童消防員制服體驗~~ 好堅持唔戴帽ge小朋友, 但要媽媽戴帽.............   好型仔呀~~~~   而家為咗米豬, 差幾乎隔日就上消防署網頁睇吓幾時有附近d局openday, 夾到時間就去啦~ (但係好耐都冇update過啊...........)   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/