又係一篇舊文，一年幾前已經post左喺另一個平台， 宜家重新再post多一次，但隨著沙律B嘅年齡愈來愈大， 針都變左些少，所以內文已經update左！ BB由出世果刻開始，大脾注定受苦，直至歲半為止先可以休息下！ 有啲針唔係打一劑，而係要打幾劑。仲要某啲月份一次過打2-3針！ 除左打政府 basic 免費針，仲要去私家補針 [當然可以選擇唔補]！ 支支針都幾百，有啲仲要過千打一針 唔單止BB腳仔痛，媽媽荷包都好很痛！ 做左22個月媽媽，等沙律媽媽介紹下嬰兒應該打/補咩針， 等新手媽媽有得參考啦！ 篇文其實2017年年底已寫，但2019年年頭再review，已有好大變動！ 沙律媽媽主要根據政府免費針，沙律B 個兒科同Kinetic package而寫嘅！   政府免費針 [Reference] 初生︰卡介苗 + 乙型肝炎第一針 [無論公院或私院，一出世，醫院就會幫 BB 免費打] 1 個月︰乙型肝炎第二針  2 個月︰四合一第一針 + 肺炎球菌第一針 4 個月︰四合一第二針 + 肺炎球菌第二針 6 個月︰乙型肝炎第三針 + 四合一第三針 + 肺炎球菌第三針 12個月︰麻疹&流行性腮腺炎&德國麻疹混合疫苗第一針 + 肺炎球菌第四針 + 水痘第一針 18個月︰四合一加強劑 小一︰麻疹、流行性腮腺炎、德國麻疹混合疫苗第二針 + 四合一加強劑 小五︰人類乳頭瘤病毒疫苗第一針 小六︰四合一加強劑+人類乳頭瘤病毒疫苗第二針 *人類乳頭瘤病毒疫苗上年寫文都仲未有，今年已加入，[19/20學年開始] *呢款針主要係以預防子宮頸癌，咁即係男仔唔使打?！ *由於第一次見，到沙律B見GP時，沙律媽媽會再問清楚！   私家自費補針 [有多種玩法，貴到一個點！] 6-8周︰乙型流感嗜血桿菌疫苗第一針 + 口服輪狀病毒疫苗第一針 [分2針同3針] 4 個月︰乙型流感嗜血桿菌疫苗第二針 + 口服輪狀病毒疫苗第二針 6 個月︰乙型流感嗜血桿菌疫苗第三針 + 口服輪狀病毒疫苗第三針 9 個月︰腦膜炎雙球菌第一針 12個月︰腦膜炎雙球菌第二針 18個月︰乙型流感嗜血桿菌疫苗加強劑 24個月︰甲型肝炎第一針 [半年後打第二針] + 日本腦炎第一針 [一年後打第二針] 30個月︰甲型肝炎第二針 36個月︰日本腦炎第二針 如果想 BB 打曬以上咁多針 [除初生果2針]，BB真係會好痛好痛。 所以私家診所都推出左好多種 plans 俾各位家長自行選擇！ 其實全部 plans 都係圍繞四合一再 top up 上去，變成五合一，六合一。 四合一：白喉、破傷風、無細胞型百日咳、滅活小兒麻痺混合疫苗  五合一：白喉、破傷風、百日咳、乙型流感嗜血桿菌、小兒麻痺注射劑  六合一： 白喉、破傷風、百日咳、乙型流感嗜血桿菌、小兒麻痺注射劑、乙型肝炎注射劑   選擇 1︰由1-18個月計算 [政府12針 + 私家6-7針] 四合一玩法 = 總共要打18-19針 ，視乎輪狀食2針定3針 但唔包腦膜炎雙球菌/日本腦炎/甲型肝炎，因為係另一款自付項目，另一種玩法！ *價錢間間都唔一樣，以上價錢係沙律B打嘅價錢 (2017年)，Kinetic會平啲，仲有 package *沙律B喺兒科專科打，次次有 regular check up，所以要加 HK$700 consultation *所以次次張單都係 HK$1,800 埋單......... 真係貴到一個點！ *但初生嬰有個固定醫生跟，都係好事，再者，呢個兒科專科由沙律B出世跟到宜家     選擇 2 ：由1-18個月計算 [政府6針 + 私家8-9針] 五合一+六合一玩法 = 總共要打13-14針 ，視乎輪狀食2針定3針， 但唔包腦膜炎雙球菌/日本腦炎，因為係令一款自付項目，另一種玩法！[Link] *價錢由Kinetic抄的，唔係好貴，同埋有 package 買，再抵啲 *相比選擇一，真係打少左幾針   補針? 唔補? 補針有咩用??? 沙律B一出世，已經決定幫佢補針，因為宜家病菌多，都想佢保護全面少少。 但疫苗一直都好多爭議，其實打同唔打，家長自行決定！ 沙律媽媽幫沙律B打左政府4合1，再加私家補針！ 政府針，沙律B已打曬12針 [由1-18月計算]。 而私家方面，沙律媽媽喺私家兒科專科補左4針Hib，加3服輪狀！ 由於兒科專科次次都要加HK$700 consultation fee， 沙律媽媽已開始喺Kinetic 買針，BB展買會再平啲！ 2018年BB展已買沙律B買左腦膜炎針2枝，9M+可以接種第一針！ 而第二針要3個月後先再打，EXPO價好平，HK$1500/2針！ 如果單次買，好似HK980/枝針！貴到high high！ 2019年2月底個BB expo，沙律媽媽都會再去BB展買埋日本腦炎 [2針]，仲貴。 之後仲要考慮買唔買甲肝[2針]，真係打針都打到窮！   嬰兒用品系列︰ 如何選購嬰兒用品の床品篇！ 如何選購嬰兒用品の初嬰服飾篇！ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 健康系列︰ 健康系列の如何應付寶寶の便秘問題？！ 教育系列︰ 教育系列のPlaygroup 有感！ 教育系列のPN Interview 有感！ 生產系列︰ 生產系列の30分鐘生產過程+老公陪產的重要性！ 生產系列の早產嬰私院收唔收？生產費用又有咩唔同？！ 陀B系列︰ 陀B日誌の如何拆解超聲波圖！ 陀B日誌の公院私院產檢大不同！ 其他忙碌日常︰ 加固系列の嬰兒可以食咩零食？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！