月中既時候 婆婆帶西瓜妹健康院打完6個月針,一如往常 打完針發燒~到第三日keep住又係燒下停下 奶又飲得少 超級無敵嗲~去睇醫生 話喉嚨有d發炎,拎左d退燒藥同消炎藥。買左退熱貼 比佢訓教有d燒貼住~ 打針前一日好精神 Days 4-5 仲係keep住燒下停下,但就明顯燒少左。係第5晚..抱一陣突然開始喊 一揭開衫睇！成身紅色一點點點。立即叫婆婆睇！婆婆就話 得唔好再講。(傳統話 小朋友出疹唔好太大反應同不停講,因為愈講就有機會縮番入去 出唔到 有機會出多次) Days 6-8 由肚仔既一點點演變成臉手都有 而且變左一噠噠(好似開花咁)。應該都幾痕 甚至喉嚨都痕,因為有乾咳同不停飲水。 呢幾日沖涼都有煲金銀花沖..每除左手腳連面頭都有 好心痛.. 個幾日訓一個鐘醒一次 辛苦婆婆照顧,黑眼圈都出黎。   days 9-10 開始散,手腳無 得番面同頸有！而且有番精神同不停飲奶同食粥。 - 呢場仗 終於完結婆婆話今次出得好靚 唔洗怕之後再出啦 - 關於玫瑰疹 玫瑰疹是種常見於嬰幼兒的病毒感染,病毒只會在人與人之間傳播。另外 玫瑰疹出完一次 會終生免疫！   玫瑰疹的寶寶會出現發燒、喉嚨紅腫、心情煩躁的徵狀(完全中唒),仲有肚瀉(唔係個個有 但西瓜妹有痾。 很多人會以為，患者出疹後，便會將病毒傳播開去，其實玫瑰疹的情況較特殊，在患者未出現明顯病徵時，其傳播性最高(原來係咁) 玫瑰疹暫時未有快速測試，但如果寶寶出現持續高燒、心情煩躁等徵狀,建議爸媽帶他們到醫院檢查，只要排除了流感、尿道炎等可能性，則很大機會是玫瑰疹的前期。這時，可替寶寶進行以下的退燒護理： ‧ 以暖水抹身，有助散熱； ‧ 飲足夠水份，預防因排汗而出現脫水； ‧ 定時服用醫生處方的退燒藥； ‧ 如非必要，別帶寶寶外出，以免他們在患病期間染上其他疾病，造成併發症。 - 西瓜妹有facebook啦:https://www.facebook.com/LHT.WORLD/