大家好！ 我係Gali Gali 既媽咪 Gali Gali 而家剛5個月大！ 而我終於有啲時間可以同大家分享下我呢5個月黎既經歷！  我本身係designer, 而家work at home , 都算係full time mum, 全日在家湊女同做野 無工人，無老爺奶奶，無媽媽爸爸幫 GaliGali 係足40週出世 無遲無早！ 非常準時！ 仲好記得當時我無任何止痛分娩。。痛到自己姓咩都唔知，喺產房我捉住既 唔係老公對手 係助產仕隻手 因為果一刻我知成個產房佢最清楚發生緊咩事，感覺上比我老公更有安全感，佢問我老公問題，我老公全部都係答兩個字 "唔知"  我老爺奶奶都唔喺香港住，但好好彩我有個好奶奶突登搭十幾個鐘機返黎同我坐月，幫左我3個月，呢3個月如果真係得我自己一個都唔知點算。。 事關我老公 即係呢個新手爸爸真係乜都唔識  但我相信佢唔係有心，因為我明白要接受做人爸爸 做比做媽媽 要多啲時間適應 (但係啱啱生完好攰好辛苦當時係唔會明） 所以都有怪佢點解唔識呢樣唔識果樣既時候，好記得有一日 我打俾我媽，同佢講真係好辛苦，好似無人幫到我 連老公都幫唔到 亦唔放心俾佢幫，佢同我講 "你一定要俾佢試，你一日唔俾佢試下點湊個b , 佢一日都唔會識，bb 同爸爸既關系都會好疏離，最緊要係你唔會有得抖！"  我聽完覺得突然醒左， 從此之後我開始一等佢放假就俾我老公全程湊GaliGali  而家我老公同GaliGali 既關系都非常密切，每日基本既工作佢都已經可以做到好好 我亦都可以放心偷下懶   所以其實如果隊友好多野都未識做都唔駛驚，只要你肯比機會佢去做 而佢亦有心去做，都會有一日變神隊友！ 對於我既情況黎講 呢位隊友真係好重要，因為我其實每日係做足15個鐘，照顧bb, 做家務，煮飯，照顧自己，做工作，如果隊友都幫我唔到 我肯定已經癲左  不過雖然自己湊係辛苦，但我地同GaliGali 既關系親密度係無得比！同埋可以每一日都見証住佢既長大，實在係金錢換唔返黎的！   各位有興趣可以follow 我ig   ig : jewcyn