捉緊放假的尾巴，約埋Natalie嘅朋友仔去咗開心花園農莊玩！ 我哋去到朗屏西鐵站，轉的士入去大約$50。 11點幾入到去，冇乜人！大約午飯時間之後先開始多人。 ???? 入場每位$30 ，已經可以任玩場內嘅設施（除咗彈床） 彈床就$60全日任跳（超抵!) 餵羊或龜就$10一份飼料 摘士多啤梨$90一磅 所有嘢都明碼實價，收費好合理！ 如果燒烤的話，就唔使俾入場費。四小時任食燒烤星期一至四大人$140，星期五六日就$160；小童就半價。 ????仲有新鮮嘅菜賣，不過我哋冇問到幾多錢。   睇下有咩玩???? ????一入到場，有有個新年嘅setting可以影相。不過小朋友冇乜興趣，已經一枝箭跑左去玩。 1️⃣有一片假草地，放左啲彈彈波、彈彈兔比小朋友玩。   2️⃣再行入去有各式各樣盪千秋，唔係平時公園個啲款！ 海盜????‍☠️船咁個隻好好玩，可以自製人肉海盜船，Natalie超級興奮，媽媽當減手臂????   3️⃣跟住仲有個塑膠版嘅旋轉木馬，又係轉到唔肯停！   4️⃣行前兩步有個可以六個人一齊踩單車咁嘅嘢玩，我哋大人試左兩圈已經覺得好頭暈，但小朋友又真係踩得好開心咁喎！   ✨✨5️⃣之後就到重點環節：bouncy castle! $60任玩嘅係兩座大大嘅bouncy castle，一個係城堡主題，一個係恐龍主題。恐龍個度有條好長好高嘅滑梯，好刺激，Natalie同朋友仔上上落落咗好多好多次！ 6️⃣之後就過咗去玩沙池，人少少，好正！   7️⃣沙行旁邊就有三隻羊????同三隻大龜????！   好多小朋友都餵羊，可憐嘅龜龜就冇乜人理???? 8️⃣沙池旁邊仲有啲scooter 、平衡車，同埋一般公園嘅滑梯設旋。 9️⃣之後就行咗入去摘士多啤梨！喺入門口俾錢個度拎籃同剪刀✂️就可以開始！種咗士多啤梨嘅範圍都幾大，可以慢慢揀，揀啱先剪。士多啤梨嘅數量唔算少，不過又紅又大粒嘅就真係要俾心機搵吓！Natalie粒粒都話好，好快就已經剪一磅幾嘅士多啤梨????   剪完就拎返去入口個度秤同埋俾錢，之後洗乾淨就可以食喇！工作人員同我地講，食幾多就洗幾多；士多啤梨因為冇落防腐劑，唔放得耐㗎。 跟住我哋就坐低休息、食士多啤梨！呢度周圍都有凳，唔使驚冇地方休息。 呢度燒烤都唔錯，燒烤爐之間都好多空間，而且地方幾乾淨企理，不過我哋冇燒烤，味道點就唔知了。 交通指引： 1. 大棠小巴紅Van 元朗千式廣場停車場入口斜對面大棠小巴站上車，於大棠山道大路口下車，向斜路行，沿經偉記食堂，繼續向上行，步行約8分鐘。 2. 西鐵轉巴士 於朗屏西鐵站B2出口，轉乘K66大棠接駁巴士，於大堂山路站下車，沿大棠名廚洒家方向上行，過對面馬路，繼續向斜路行，沿經偉記食堂，繼續向上行，整過步行需時約10分鐘。 3. 朗屏西鐵站，轉的士入去大約$50。 4. 自駕，【免費泊車】。 Happy Garden Farm: https://www.facebook.com/happygardenfarm/ #開心 #農莊 #親子活動 #放假 #放電 #摘士多啤梨 #bouncycastle #彈床