唔知大家有冇聽過Genki呢個牌子呢？我自己一開始就唔太認識呢個牌子，但就有見過網上商店，有埋有麵包超人圖案嘅尿片，原來就係呢個牌子出嘅！ 先講下我嘅第一印象啦！一拎上手，尿片係超級超級柔軟！因為平時用其他牌子嘅尿片，都會覺得有少少硬身，有啲膠膠地嘅感覺！但呢一款尿片，摸上手好似摸緊棉花咁，係好soft架！ 外貌上佢同普通拉拉褲冇乜嘢分別，不過褲頭位，相對比較窄身，但都有彈力，可以好緊貼到BB嘅腰部位置。尿濕顯示一樣都係變做藍色嘅時候，就係要換片啦！ 尿片入面，佢嘅物料表面好光滑軟熟，相對可以減低BB不適嘅機會。而且採用左高透氣物料，可以保持pat pat乾爽透氣 Genki尿片係係日本製造（即刻加咗分）！因為係亞洲人嘅設計，所以BB著都會比較fit！同埋佢有XL size，再肥美啲嘅bb都會岩著啊！ 我試過倒左3杯180ml嘅水入去，都無漏同滲嘅情況！入面摸上手，都只係有少少水氣，畢竟3杯180ml真係好多水～（圖中圈住嘅係個丁丁咁多水珠） 有興趣了解更多嘅媽媽可以去佢地Facebook拎試用裝啊！ https://www.facebook.com/nepiahk/   鍾意我嘅分享，可以Like我地Facebook同Follow IG啊！比個支持鼓勵我！入面會有更多唔同分享比到大家架！ Facebook https://www.facebook.com/90sMummy/  Instagram: https://www.instagram.com/minarainlo/ 歡迎聯絡(*´∀`)~ 出席活動/廣告合作/開箱/產品試用 Email: iamlorrainelo@gmail.com