2018年12月 經過1年幾既備孕, 中間又病左又做手術左大半年. 宜家我終於都可以成為一個準媽媽喇!!! 一定要記低呢件事!   其實今個月我地係打定輸數既. 到宜家呢刻 (6weeks)我都覺得唔真實. 點解呢? 因為呢個月, 排卵日係正我出trip既果幾日. 我同大少都係前後做左功課(3/12, 10/12) 就算. 而我亦無用紅D, 出trip果幾日更加無 check 體溫.  所以唔知幾多個排卵, 同中左   到上星期DD (19/12), 我見體溫無跌, keep住到高溫.. 日日都驚會跌溫, 心諗如果24/12睇華仔演唱會都無黎M就好喇.. 24/12都無黎, 已經係DD+5, 因為之前食太多詐糊, 真係好驚失望.. 25/12 DD +6 下午忍唔住用秀兒早早孕驗, 因為唔係晨V, 所以都係無抱希望. 點知真係有線! 仲幾深色. 上網睇秀兒早早孕好敏感. 自己都唔敢開心..又唔敢同大少講.. 26/12 朝早8點幾醒左, 就用杯仔分開2杯V, 一個用CB digital, 一個月綠D 結果都無令我失望. CB digital話有3+ 添呀!   個心定左少少, 之後又諗緊點同大少講好呢? 之前諗左好多個Surprise 佢既方式, 最後都係無用 因為果日(26/12)要出去有個appointment, 去左飲coffee.   (之後就慘喇..雖然只係細杯, 仲要無飲曬, 一直食唔落野到第二日) 返屋企途中就決定去樓下診所正式驗一次, 之後就話俾大少知. 診所驗到, 出埋証明.大少唔知頭唔知路, 提議我買麥當當返去食.  我都無胃口食....去左樓下食粥j. 食完粥上樓坐左一陣, 我覺得真係要話佢知喇.  就同佢講: 有份聖誕禮物俾你呀.. 之後攞支診所驗孕棒俾佢睇. 大少對眼發光:真係架? 之後就攬埋一齊.   我問佢, 開心嗎? 佢答: 宜家唔係最開心, 要到你同BB都好平安, BB出左世先係最開心. 我聽到真係眼濕濕....