今日用左2個鐘快行左bb展，因為時間唔多，我冇咩點排隊入會，主要 like facebook拎贈品同買便貨。我去的時間係1700-1900，因為係平日，有家長會收工過去，所以越晏越多人。之於星期六日，有家長朝早要返工，唔洗返工的都未必個個咁早起身，所以如果想避開人潮，自己時間又許可，星期五六日都會建議早上去。早上去亦唔驚贈品會換唒或者截龍。 簡單介紹下我的收獲：我行過見少人就會去like 下 facebook，拎左的贈品有濕紙巾，口水肩，雜誌，cream，食品試用裝，指甲鉗，清毒液, 袋仔等。如果係bb展留得耐d，我建議＋$20 買coupon book,，因為唔少攤位都要coupon book加like facebook先有得拎贈品。  如果bb食2/3/4號奶粉，都建議係bb展買，因為係Watsons, 萬寧，或奶粉商攤位買指定數目有贈品送，贈品通常都係貴的大型玩具，奶粉又係必需品，所以都幾吸引。有d買滿指定金額仲有得送貨，唔洗拎得咁辛苦。不過頭先入夜，watsons同萬寧見太多人會截龍，所以要買趁早。之於1號奶粉就通常都唔包。 我自己買左d 食品，餐具，玩具等比小跳豆。選擇都好多，視乎需要。Holle 指定果蓉$5，指定盒裝燕麥粥$10。 因為產品3月到期，所以平賣。如果食得切，都幾抵下。另外，食品餐具等都有好多檔，通常買多會有便。主辦單位荷花的攤檔最大，亦都有會場優惠價，屬每年必到攤檔。我買左個木製玩具hammer bench比小跳豆，會場價$83。便的木製玩具易有木刺，優質木製玩具一般都比較貴，所以趁特價買比較抵。 「BB春季購物節」暨「兒童成長教育展」詳情： 日期： 2019年2月22至23日 (10:00 am – 9:00 pm),2019年2月24日 (10:00 am – 7:30 pm) 地點： 香港會議展覽中心新翼Hall 3B-E 票價：成人 HK$30,小童 HK$20 (1米以下小童免費) 售票地點：即場售票 / 分店預售 / 網上發售 / 全線7-11 博覽優惠券：HK$20 (每張成人入場券只限購買1本) 祝大家搵到心頭好❤️ 謝謝閱畢！ 歡迎聯絡: jumpybeanmum@gmail.com Facebook page: 小跳豆媽育兒記 Blogs 腳印：靚太club,My BB.com, Mamibuy