近年比較鼓吹母乳餵哺，世衛亦建議準媽咪BB出生後至6個月都係飲母乳，母乳中有不少抗體，而且餵哺母乳對媽媽同BB都係有好多既好處。但當然亦有附帶嘅問題，不少新手媽媽會遇到冇奶 or 要追奶嘅問題！而且生完BB後亦會因情緒壓力和睡眠不足等等嘅問題困擾住，真係媽媽唔易做！ SiuBma 都做左好多research，可以比新手媽媽一個真實而貼身既分享，比較餵母乳既好處同壞處！ SiuBma同各位都一樣，比各方嘅資訊令我認為餵哺母乳係最好嘅選擇！當SiuB出世嘅時候頭1-4日係完全未上奶，起醫院時SiuB係比較瞓得多，所以keep住埋身親餵問題不大！但係去到第2日開始SiuB不停喊，埋身餵足幾個鐘一鬆口就喊不停，而我就不停咁check片片有冇濕咗，係咪熱或者凍...樣樣都唔係即係 - 肚餓！姑娘見到就話因為未上奶，所以要補奶粉...為免BB脫水！當時我聽到真係晴天霹靂...心入面有10萬個唔想。怕BB飲完奶粉後會唔再飲母乳...因為怕奶粉太甜！但係迫於無奈亦都要接受...我相信未上奶、冇奶或者唔夠奶係大眾媽媽最大嘅困擾。 其實幾時上奶係睇體質，所以各位媽媽唔好有太大既壓力，勤力啲比BB埋身，再加上飲多啲水和有足夠嘅休息，好自然就好快上奶！而且心境保持輕鬆同放鬆都係vd重要既一點。但係媽媽們要注意！啱啱生完BB嘅頭幾日千奇唔好心急飲上奶湯水，因為乳腺未通...再飲就會谷奶，咁會非常容易塞乳腺㗎！ SiuBma起第5日已經開始上奶！但係SiuB竟然唔鍾意埋身...因為SiuB出世時有黃疸，所以亦留院幾日，而我就要出院先，返屋企嘅時候SiuB已經唔鍾意埋身，不停咁扭住喊...所以我最後係要做全泵媽！ 身邊有好多媽媽話全泵的話奶量會越泵越少？呢個唔係完全正確！因為SiuBma親身證明泵媽都可以增加同keep到奶量！好啦！等SiuBma分享一下泵奶schedule la! - 每3小時泵一次每次最少20分鐘至30分鐘 - 先用Massage Mode5分鐘至10分鐘再轉Expression Mode - 係Expression Mode時用手按摩乳房，由外向乳頭方向一下一下推   SiuBma就係用呢個方式，好快就變成富媽媽啦！ 當然呢個只供參考，都要因應個人體質！以上嘅資料係SiuBma起健康院請教左好多母乳姑娘，再不停嘗試各種嘅方法，搵出最適合自己既模式。 希望呢篇文可以幫到各位嘅新手媽媽啦！ ************************************************************* 歡迎合作邀請｜產品試用｜出席活動｜邀稿｜親子活動｜廣告合作｜ 聯絡SiuBma：Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com