SiuBa起未生BB前都對於母乳嘅認識唔太多，只係知道醫院不停鼓勵媽咪餵哺母乳！而SiuBma知道對大人及BB都會有好大嘅益處，所以要深入啲探討下各種母乳嘅資訊！今次就講下母乳嘅儲存～ 起生完BB之後SiuBma真係好想餵到母乳，俾佢好嘅俾SiuB，但係第1日多數都未上奶，所以都係聽從姑娘嘅指示用手擠黃金初乳比SiuB, 所以我相信各位媽媽都非常珍惜點點滴滴嘅母乳，因為真係得來不易。 - 在室溫嘅情況下可放4小時 - 在冰袋加冰種入面可放24小時 - 放起雪櫃入面可存放5日 - 放起冰格可存放3個月 同時最多人問嘅係點樣解凍放咗起冰格入面嘅冰奶？SiuBma係會起前1日將冰奶轉移到雪櫃做解凍，但必須要留意嘅係要起轉移後24小時內飲用！由於冰奶嘅味道會比較蘇，如果BB唔鍾意飲，媽媽們可以試吓用2/3嘅先母乳加1/3嘅冰奶，咁樣比BB飲會比較容易入口，份量可因應個別BB嘅口味去調教。 SiuB頭三個月飲奶嘅奶量真係唔多，所以SiuBma有好多存貨1如果差唔多到期嘅我係會用嚟幫SiuB沖涼，可以令到皮膚白白滑滑，每次用既份量會係120ml左右，加入沖涼嘅暖水入面！亦都可以選擇用冰奶去整母乳皂，所以可以睇下大家想點樣去用多出來的母乳！ 希望以上嘅資料可以幫到大家啦！ ************************************************************* 歡迎合作邀請｜產品試用｜出席活動｜邀稿｜親子活動｜廣告合作｜ 聯絡SiuBma：Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com