上星期，我哋一家三口第一次去旅行，好成功咁同BB搭左飛機，又租到一啲可以煮嘢食嘅地方，而且BB都好有精神，諗住今次旅行應該會玩得好開心，誰不知，係旅行嘅第二日，小恩恩無啦啦發燒，真係嚇到心到離一離！   因為我都有喺instagram度post左佢發燒嘅事，有好多唔同人都覆我話：可能佢係上次流感未清、水土不服等等嘅說法。不過，我見佢有冇鼻水、鼻涕、咳嗽等嘅症狀，只係一直keep住發燒，我就開始懷疑係玫瑰疹！    上網都睇咗好多唔同人嘅講法，佢哋都話大約一歲開始，就會最易中招。而且多數佢哋有呢個病，一般都係有精神、肯去玩。 的而且確，小恩恩嗰幾日都係好有精神咁去玩，仲食得走得！幸好，今次旅程我都有帶到退燒藥做準備！不過有兩晚，佢都燒到40度，其實都真係好緊張！（無帶退燒藥就真係大獲了）特別係身處其他國家，亦都冇相熟嘅醫生，就算想睇醫生都好，都唔敢隨便去睇。    當晚都即刻係啲台灣媽媽group到問，台北邊度有好嘅兒科醫生，打算如果到第四日都唔退燒，就即刻帶佢睇醫生。 大約燒左三日，就開始退燒，正正係臨返香港前一日，身上嘅紅點開始出現，好彩係唔痕唔痛，佢都無咁辛苦！只係外觀上，皮膚會冇咁滑脫脫，好似變咗做一個有暗瘡嘅BB！    其實玫瑰疹都算係一個好輕鬆嘅病，只係前期發燒都會擔心佢燒得高，但當一出疹，就會好快自然退！身體咁就多咗一種新嘅抗體啦！玫瑰疹都係一種非常之容易傳染到嘅病，經過飛抹就會感染到！所以為咗他人着想，第時BB病咗，都記得要幫佢哋帶返個口罩呀！ 鍾意我嘅分享，可以Like我地Facebook同Follow IG啊！比個支持鼓勵我！入面會有更多唔同分享比到大家架！ Facebook https://www.facebook.com/90sMummy/  Instagram: https://www.instagram.com/minarainlo/ 歡迎聯絡(*´∀`)~ 出席活動/廣告合作/開箱/產品試用 Email: iamlorrainelo@gmail.com