今日去咗 Home.焙小日子香港二號店 (荃灣店) 整蛋糕！幾好玩！係一個好唔錯嘅親子/拍拖活動！ 1️⃣首先上網或者打電話預約，揀啱時間就OK！ 網路訂位 https://goo.gl/vZCtzj 2️⃣準時去到，揀啱整咩蛋糕，跟住就俾錢。 蛋糕嘅款式好多，分三種難道~ 我哋今日揀咗中等難度嘅小熊杯子Teddy Bear Cupcake。 ????$300整蛋糕費（2月28日前有九折)，小朋友唔可以自己整，要大人陪同，陪伴費係$80 (weekday $60)。   3️⃣之後就會得到一個兜（放自己嘅物品），一人一條圍裙，一部平板電腦。 擺好嘢，着好圍裙，就可以坐定定睇下自己想整嘅甜品點做。 4️⃣睇住食譜，去攞材料、用具、模具，各樣物品都擺得井井有條，自己攞個秤，逐樣材料自己執！ 順手預熱埋個焗爐。搞掂就可以返埋位開始啦 5️⃣開波整蛋糕！要熱牛奶可以去電磁爐，要溶牛油有微波爐，要攪拌有好勁嘅攪拌機！跟着指示，一步一步做！ 杯子蛋糕要先熱牛奶，再加入麵粉同朱古力粉，攪勻佢成為朱古力漿。   之後砂糖同蛋白要打到挺身 撈埋朱古力漿 咁就可以揤落Cupcake紙兜。   6️⃣放入焗爐！由於安全理由，呢個步驟會有工作人員負責。 Cupcake要焗50分鐘，等候時間可以去攞啲飲品，有capsule可以沖咖啡，小朋友可以飲阿華田。 等候嘅時間仲可以準備定裝飾嘅材料，睇吓平板電腦咁囉。 7️⃣製成品出爐 工作人員會幫手出爐、脫模，跟住就可以拎埋位裝飾！ 裝飾原來比想像中難 朱古力筆原來好難畫公仔。。。可憐嘅熊仔，畫得唔係幾靚...   8️⃣問工作人員拎個盒，入盒，咁就大功告成喇！ 9️⃣臨走都要有啲手尾，將啲用過嘅工具拎返晒去清潔區；還返條圍裙，咁就走得   Home.焙小日子香港二號店 (https://www.facebook.com/homebakingdayhk/ ) 電話: 2726-3108 營業時間10:00-22:00(周一到周日) 荃灣楊屋道18號荃新天地二期 地下27號舖   喜歡我嘅分享嘅話，記住like同follow我個Facebook page呀 精采嘅分享陸續有來~ https://www.facebook.com/natalie.nathan.mum/ #親子活動 #整蛋糕 #bakery #小廚師 #室內活動 #小日子